တဲတော် (၁) မြန်မာခရစ်ယာန်များဆုံဆည်းရာမှ

TABERNACLE
ရွှေအိမ်တော်သို့ ကြွလှမ်းခဲ့ပါ
အမှာစာ
သမ္မာာကျမ်းလာ တဲတော်အကြောင်းအရာသည် သာမန်ယုံကြည်သူများအတွက် မဆိုထား နှင့်
အမှုတော်ဆောင်များပင် နားလည်ရန်ခက်ခဲသော အကြောင်းတစ်ရပ်အဖြစ် တည်ရှိနေ သေး၏။
အဘယ့်ကြောင့်ဆိုသော် တဲတော်အကြောင်းလေ့လာလိုသူအဖို့ အင်္ဂလိပ်ဘာသာဖြင့် ရေးသားထားသော
စာအုပ်အမျိုးမျိုး ရှိသော်လည်း မြန်မာဘာသာဖြင့် ရေးသားထားသော တဲတော်စာအုပ် မည်မ�'80�်ရရ
မရှိခြင်းကြောင့်ဖြစ်သည်။ သို့ဖြစ်ရကား တဲတော်သည် အင်္ဂလိပ်စာ မတတ်ကျွမ်းသော မြန်မာယုံကြည်သူများနှင့်
နှစ်ပေါင်းများစွာ အလှမ်းကွာဝေးခဲ့သည်။ တဲတော် အကြောင်းသည် နက်နဲခက်ခဲသည့်အလျှောက်
ဝိညာဉ်ကောင်းချီးရတနာ အဖြာဖြာဝှက်ထားသော ရတနာသိုက်ဟု တင်စားလျှင် မှားအံ့မထင်။
ယုံကြည်သူတိုင်း တဲတော်လေ့လာခွင့်မရခြင်း အ၀ိဇ္ဇာာမှောင်ပိတ်ဖုံးနေမှုကို လေ့လာခွင့် ရခြင်း
အလင်းရောင်အားဖြင့် လမ်းစဖွင့်ပေးခဲ့ပါသည်။ လွန်ခဲ့သောသုံးနှစ်က J.Rouw ရေးသား သော House of Gold Welcome
စာအုပ်ကို ကျွန်တော်ဖတ်ရှုလေ့လာခွင့်ရခဲ့ပါသည်။ ကျွန်တော် သတိပြုမိသော ယင်းစာအုပ်၏ ထူးခြားချက်မှာ
တဲတော်စာအုပ်အမျိုးမျိုးထက် ပိုမိုကျစ်လစ်မှု ရှိကြောင်း တွေ့ရသည်။
ထို့ပြင် သာမန်လူတစ်ယောက်ပင် နားလည်နိုင်သည်အထိ အရေးအသားပြေပြစ်ခြင်း၊ တင်ပြပုံ
ရှင်းလင်းလွယ်ကူခြင်း၊ လိုက်နာရန် သင်ခန်းစာရှိခြင်း စသည့်ဂုဏ်အင်္ဂါရပ်များကြောင့် စာအုပ်ကို လက်မှ
မချနိုင်လောက်အောင် ဆွဲဆောင်ခဲ့ပါသည်။


စာအုပ်အတွင်းမှ ပုံဆောင်ချက်များ၊ သွန်သင်ချက်များသည် ခရစ်တော်၏ ဘုရားဇာတိ၊ လူ့ဇာတိအကြောင်းကို
စုံလင်စွာ ဖော်ပြထားသကဲ့သို့ ခမည်းတော်ဘုရားက လောကီလူသားများ အပေါ်ထားရှိသော ဖြောင့်မတ်ခြင်းနှင့်ချစ်ခြင်း
မေတ္တာာသဘောထားများကို ပေါ်လွင်အောင် ဖော်ကျူးထားလျက်ရှိသည်။ ဤမျှမက လူသားတိုင်းအတွက်
ကောင်းကင်ဘုံသို့သွားရာ တစ်ခုတည်းသော လမ်းကို တိကျစွာ ညွန်ပြထားပြီး ခရစ်ယာန်အသက်တာ၏
အသက်ရှင်ခြင်းနှင့် အသင်းတော် ဖွဲ့စည်းတည်ထောင်ပုံ သဘောသဏ္ဍာန်ကို ခရေစေ့တွင်းကျ ရှင်းလင်းစွာ ဖော်ပြ
ထားခြင်းကြောင့် မြန်မာဘာသာသို့ ပြန်ဆိုထုတ်ဝေလျှင် ကောင်းချီးများစွာ ဖြစ်ထွန်းမည်ဟု ကျွန်တော့်စိတ်ထဲ
လှိုက်လှိုက်လှဲလှဲ ခံစားရပါသည်။
စာအုပ်ကို ဖတ်ရှုရာ၌ နားမလည်ခြင်း၊ ရှုတ်ထွေးခြင်းရှိပါက မူရင်းစာရေးဆရာ၏ ချွတ်ယွင်း ချက်မဟုတ်ဘဲ
ဘာသာပြန်သူ၏အရေးအသားမကျွမ်းကျင်မှုနှင့် အားနည်းချွတ်ချော်မှုများကြောင့် သာ ဖြစ်ပါကြောင်း
ကြိုတင်ဝန်ခံအပ်ပါသည်။
“စာရှုသူအပေါင်း ခန္ဓာာ စိတ် ၀ိညာဉ် ကောင်းစားကြပါစေ”
ခရစ်တော်၏ မေတ္တာမွန်
မာတိကာ
အခန်း အကြောင်းအရာ စာမျက်နှာ
အမှာစာ
၁။ ဘုရားသခင်၏ အိမ်တော် (၀ါ) ရွှေအိမ်တော် ၁
၂။ တဲတော်၏မြင်ကွင်း ၁၀
၃။ အ၀င်တံခါးပေါက် ၁၃
၎။ မီးရှို့ရာ ယဇ်ပလ္လင် ၁၆
၅။ အင်တုံ ၃၄
၆။ ပျဉ်ချပ်များ ၄၅
၇။ မိုးတိမ် ၅၂
၈။ အရောင်(၄)မျိုး ၅၅
၉။ ၀င်ပေါက် (၃)ခု ၅၈
၁၀။ တဲတော်၏အမိုးကန့်လန့်ကာများ ၆၁
၁၁။ လုပ်ဆောင်ဆောင်ဖက်ကများ ၆၃
၁၂။ အမျိုးသမီးများကဏ္ဍ ၆၅
၁၃။ သန့်ရှင်းရာဌာန ၆၉
၁၄။ အောက်ခံကြမ်းပြင် ၇၇
၁၅။ ထမ်းပိုး ၇၉
၁၆။ ယဇ်ပုရောဟိတ်မင်း ၈၁
၁၇။ အသန့်ရှင်းဆုံးဌာန ၈၇
၁၈။ ရွှေအိမ်တော်သို့ ကြွလှမ်းခဲ့ပါ ၉၁
ဘုရားသခင် ၏ အိမ်တော်
အခန်း (၁)
တော၊ ၁း၅၀-၅၄။ တော၊ ၂
ဤအရပ်သည် လူနေရာ အရပ်မဟုတ်သော်လည်း ထောင်ပေါင်းမျာစွာသော လူရေ ရွက် ထည်တဲအိမ်များ
တပ်စခန်းချ၍ နေကြသည်။ စနစ်တကျ စခန်းချနေသော တဲများ၏ အလယ် ဗဟိုတွင် ရွှေအိမ်တော်သည် ခံ့ညားထယ်ဝါစွာ
တည်နေတော်မူ၏။ အညိုရောင်၊ အနက်ရောင် ဆောင်၍ အဆင်းသဏ္ဍာန် မွဲခြောက်ညစ်ထေလျက်
လှပထည်ဝါမှုကင်းမဲ့သည့် ရွက်ထည်တဲ များမှာ သဲကန္တာရတွင်း၌ ခြေသလုံးအိမ်တိုင် လှည့်လည်သွားလာနေကြသော
ဣသရေလ (အစ္စရေးလ်) လူစု၏ တဲအိမ်များပင်ဖြစ်သည်။ ထိုလူစုတွင် လူမျိုးနွယ်(၁၂)နွယ် ပါဝင်၏။ ထိုသူတို့
ခရီးထွက်ခွာသွားတိုင်း ယောက်ျား၊ မိန်းမ၊ ကလေးသူငယ်များ၊ တိရစ္ဆာန်များ စနစ်တကျ စီတန်း သွားလာလေ့
ရှိကြသည်မှာ အဆုံးအစမရှိ ရှည်လျားလှ၏။
တဲထိုးလျက် စခန်းချကြသောအခါ၌လည်း ရွှေအိမ်တော်၏ အရှေ့၊ အနောက်၊ တောင်၊ မြောက်
အရပ်လေးမျက်နှာ တစ်ဖက်စီတွင် လူမျိုးနွယ်(၃)ခုစီ နေရာယူ၍ လေးထောင့်စတုရန်းပုံ အကွက်ကျကျဖြင့် စနစ်တကျ
တပ်ချရပ်နားကြသည်။ ထိုသို့ တပ်ချရပ်နားသည့်အခါတိုင်း တပ်စခန်း၏ အလယ်ဗဟိုတွင် ကန့်လန့်ကာဖြင့်
ကာရံခြားနားထားသော ဘုရားသခင်၏ အိမ်တော် (၀ါ) ရွှေအိမ်တော်ကို တွေ့ရပေမည်။
အကယ်စင်စစ် အနက်ရောင် လူနေတဲများနှင့် လှပတင့်တယ်နေသည့် ဘုရားသခင်၏ ရွှေအိမ်တော်မှာ
ဆန့်ကျင်ဘက်ဖြစ်နေသကဲ့သို့ တဲအတွင်းရှိ လူသားများနှင့် ဘုရားသခင်သည် လည်း သဘောသဘာဝချင်း
အလွန်ကွာခြားလျက်ရှိသည်။ အကယ်၍ ထိုတဲများအတွင်းမှ အသံကို ဂရုတစိုက် နားထောင်ကြည့်မည်ဆိုလျှင်
တဲအသီးသီးမှ မိသားစုများ၏ ညည်းညူသံ၊ ရန်ဖြစ်သံ၊ ၀မ်းနည်း ငိုကြွေးသံများကို ကြားရလိမ့်မည်။ ထိုမျှမက တဲအတွင်းရှိ
လူတစ်ယောက်စီ၏ စိတ်နှလုံးကို ဆန်းစစ်ကြည့်လျှင် ကျွန်ုပ်တို့၏ စိတ်နှလုံးကဲ့သို့ တစ်ကိုယ်ကောင်းဆန်ခြင်း၊ မာန်
မာနထောင်လွှား ခြင်း၊ အတွေးအခေါ်ညစ်ညူးခြင်း၊ အကြမ်းဖက်ရန်ပြုလိုခြင်းနှင့် မုန်းတီးခြင်း များဖြင့် ပြည့်နှက်လျက်
ရှိနေသည်ကို တွေ့မြင်ရပေမည်။
ကမ္ဘာမြေရှိ သုခဘုံ
ဘုရားသခင်၏ အိမ်တော်(၀ါ)ရွှေအိမ်တော်သည် အဘယ်ကြောင့် လူသားများ အလယ်တွင် တည်ရှိနေသနည်း။
အဘယ်အကြောင်းကြောင့် ဤလူမျိုးနှင့် တွဲဖက်မိတ်သဟာယ ပြုလိုသနည်း။ ဤလူမျိုးကို ဘုရားသခင်
အဘယ်ကြောင့် မစွန့်ပစ်ရသနည်း။
ဘုရားသခင်သည် ကောင်းကင်ဘုံတွင် စံနေတော်မမူဘဲ အဘယ်အကြောင်းကြောင့် ဤ လောကသို့
ကြွဆင်းလာခဲ့ရသနည်း။ ဟူသော မေးခွန်းကို သင်မေးကောင်း မေးချင်ပါလိမ့်မည်။
ဘုရားသခင်သည် လူသားများ၏ အလယ်၌ ကျိန်းဝပ်ရန် အလိုရှိသကဲ့သို့ လူသားများကို သူနှင့် နီးနီးကပ်ကပ်
အသက်ရှင်နေထိုင်စေလိုသောကြောင့် ကောင်းကင်ဘုံမှ ကမ္ဘာမြေကြီးသို့ ကြွဆင်းလာပြီး ရွှေအိမ်တော်၌
ကျိန်းဝပ်ရခြင်းဖြစ်သည်။ လူသားများအကြားတွင် ကိန်းဝပ်လို သော ဘုရားသခင်၏ လိုအင်ဆန္ဒသည်
အစ္စရေးလ်လူမျိုးတို့၏ ခေတ်အခါ၌သာမက ယခု ပစ္စုပ္ပန် နှင့် နောင်အနာဂတ် ကောင်းကင်သစ်နှင့်
မြေကြီးသစ်ပေါ်ထွန်းမည့် ကာလအထိ ဆက်အလိုရှိနေ မည်။
ကြည့်ရှုလော့၊ ဘုရားသခင်၏ တဲတော်သည် လူတို့တွင်ရှိ၏။ လူတို့နှင့်အတူ ကျိန်းဝပ် တော်မူမည်။ (ဗျာ ၂၁း၁-၃)
ဘုရားသခင်သည် ချစ်ခြင်းမေတ္တာ ဖြစ်တော်မူ၍ ကြီးမားလှသော မေတ္တာဖြင့် လူတိုင်းကို ချစ်တော်မူ၏။
သင့်ကိုလည်း ဘုရားသခင် ချစ်တော်မူ၏။ ဘုရားသခင်သည် သင်၌ ကျိန်းဝပ်ရန် အလို တော်ရှိသကဲ့သို့ သူနှင့်အတူ
ဝမ်းမြောက်ရွှင်လန်းစွာ ဆက်နွယ်အသက်ရှင်ခွင့်ကို သင့်အတွက် ပြင်ဆင်ပေးထားသည်။
အံ့ဖွယ်အိမ်တော်
ရွှေအိမ်တော် (၀ါ) ဘုရားသခင် အိမ်တော်သည် ဘုရားသခင်၏အကြောင်း ကောင်းကင်ဘုံ အကြောင်းနှင့်
ဘုရားသခင်၏ သားတော်အကြောင်းကို ဖေါ်ညွှန်းသွန်သင် ဖွင့်ပြလျက်ရှိသည်။ ရွှေအိမ်တော်ရှိ အရာဝတ္ထုများ၏
အတိုင်းအတာနှင့် အလေးချိန်ကို အဘယ်ကြောင့် အသေးစိတ် ဖေါ်ပြထားသနည်း။ ထိုသို့ဖေါ်ပြရခြင်းမှာ ဘုရားသခင်၏
အကြံအစည်တော်နှင့် ကောင်းကင် ရွှေမြို့တော်၏ ဘုန်းစည်းစိမ်တို့ကို ပိုမိုထင်ရှား ပေါ်လွင်စေရန် ဖြစ်သည်။
သမ္မာကျမ်းထဲမှ ဓမ္မဟောင်းကျမ်းနှင့် ဓမ္မသစ်ကျမ်း(၂)ပိုင်းစလုံးတွင် တဲတော်တည်ဆောက် ပုံ
တည်ဆောက်နည်း ဘုရားသခင်ကို ကိုးကွယ်ဝတ်ပြုနည်း၊ ယဇ်ပုရောဟိတ်တို့ လုပ်ဆောင်ရ မည့်
လုပ်ငန်းဆောင်တာများနှင့် ၄င်းတို့၏ အနက်အဓိပ္ပါယ်အလုံးစုံကို အခန်းကြီးပေါင်း(၅၀)ထက် မနည်း ဖေါ်ပြထားသည်။
ထွက်မြောက်ရာ ကျမ်းတွင် … … … … … … အခန်းကြီး (၁၃) ခန်း
ဝတ်ပြုရာ ကျမ်းတွင် … … … … … … … … အခန်းကြီး (၁၈) ခန်း
တောလည်ရာကျမ်းတွင် … … … … … … … အခန်းကြီး (၁၃) ခန်း
တရားဟောရာ ကျမ်းတွင် … … … … … … … အခန်းကြီး (၂) ခန်း
ဟေဗြဲသြ၀ါဒ စာစောင်တွင် … … … … … … .. အခန်းကြီး (၄) ခန်း
စုစုပေါင်း (၅၀) ခန်း
ဖန်ဆင်းခြင်းအကြောင်းကို ကျမ်း(၂)ခန်းသာ ဖေါ်ပြထားသည်ကို ယှဉ်ကြည့်ခြင်းအားဖြင့် တဲ တော်အကြောင်း
အဘယ်မျှ အရေးကြီးကြောင်း သိသာထင်ရှားနေသည်။
ရွှေအိမ်တော်အား မည်သည့်နေရာ၊ မည်သည့်အချိန်တွင် မည်သည့်ရည်ရွယ်ချက်ဖြင့် တည် ဆောက်ခဲ့ကြောင်း
ကျမ်းစာမှ လေ့လာသိရှိနိုင်သည်။ ဘုရားသခင်၏ ရွေးနှုတ်ခြင်းမတိုင်ခင် (၀ါ) အစ္စရေးလ်လူမျိုးများ
ပင်လယ်နီကိုမဖြတ်ကျော်ရသေးခင် သူ၏လူမျိုးတော်နှင့်အတူ ဘုရားသခင် ကျိန်းဝပ်တော်မူခြင်း လုံးဝမရှိသေးပေ။
ဘုရားသခင်သည် ပထမဆုံး လူသား အာဒံနှင့်သာမက ရှေးယုံကြည်သူ အာဗြဟံ၊ ဣဇက်၊ ယာကုပ်တို့အား
ကိုယ်ထင်ရှားပြပြီး မိတ်သဟာယ ဖွဲ့ရုံသာ ရှိခဲ့၏။ ရွေးနှုတ်ခြင်းမပြုခင် ရွှေအိမ်တော်(၀ါ)သန့်ရှင်းရာဌာနကို တည်ဆောက်ဖို့
မိန့်ကြားခြင်း မရှိပါ။
တဲတော်ဆောက်လုပ်ရခြင်း၏ ရည်ရွယ်ချက်မှာ လူသားများကို ရွေးနှုတ်ခြင်းအမှု၌ ဘုရား သခင်၏
အဖိုးအခပေး၍ ၀ယ်ယူခြင်းနှင့် ဘုရားသခင်၏ တန်ခိုးတော်အားဖြင့်သာ ပြီးစီးပြည့်စုံ ကြောင်း ပြသရန်ဖြစ်သည်။
ဘုရားသခင်၏ လူမျိုးတော်သည် သိုးသူငယ်၏ အသွေးဖြင့် ဖုံးအုပ်ခြင်းခံခဲ့ရရုံမျှမက ဘုရား သခင်၏
အားကြီးသောညာလက်ရုံးဖြင့် ပင်လယ်နီကိုကျော်ဖြတ်ထုတ်ဆောင်ခြင်း ခံခဲ့ရလေသည်။ ထိုသို့ ထုတ်ဆောင်ခြင်းခံရသော
လူစုသည် ဘုရားသခင်နှင့်အတူ မိတ်သဟာယ ဖွဲ့ခွင့်ရ၏။ ဘုရား သခင်သည်လည်း သူတို့၏အလယ်တွင်
ကျိန်းဝပ်တော်မူ၏။
ဘုရားသခင်သည် လူကို အသက်လွတ်ရုံသာ ကယ်တင်ခဲ့ခြင်းမဟုတ်ပဲ သူတို့ကို သန့်ရှင်း စင်ကြယ်စေပြီး
ကိုယ်တော်ကို ၀တ်ပြုကိုးကွယ်နိုင်ရန်နှင် ကိုယ်တော်၏ဘုန်းတော်ထင်ရှားစေရန် သက်သေခံများအဖြစ် သူတို့ကို
သီးခြားခွဲထုတ်ခဲ့လေသည်။ အစ္စရေးလ်လူမျိုးများသည် အီဂျစ်ပြည်၌ သူ့ကျွန်ဘ၀၌လည်းကောင်း၊ ရုပ်တုကိုးကွယ်သော
အပြစ်သားများဘ၀၌လည်းကောင်း၊ ကျင်လည်အသက်ရှင်နေရသောကြောင့် စစ်မှန်သောကိုးကွယ်ဝတ်ပြုခြင်းနှင့်
သက်သေခံခြင်းအမှု တို့ကို အလျင်းမပြုနိုင်ခဲ့ကြပေ။ သို့ဖြစ်၍ ဘုရားသခင်သည် မောရှေအားဖြင့် ဖာရောဘုရင်အား
“ငါ့အား ၀တ်ပြုမည့်အကြောင်း သူတို့ကိုလွှတ်လော့”ဟု အကြိမ်ကြိမ်ပြောကြားစေခဲ့သည်။ (ထွ ၈း၁၊ ၂၀။ ၉း၁)
တဲတော်ကို အီဂျစ်ပြည်နှင့် ခါနန်ပြည်တို့တွင် တည်ဆောက်ခြင်းမပြုခဲ့သည်မှာ အလွန်လေး နက်သော
အဓိပ္ပါယ်တစ်ရပ် ရှိနေ၏။ အီဂျစ်ပြည်နှင့် ခါနန်ပြည်တို့သည် ရုပ်တုကိုးကွယ်သော နေရာဖြစ်၍ (ယေဇ ၂၀း၅-၉)
ဘုရားသခင်အတွက် သန့်ရှင်းရာဌာန တည်ဆောက်ရန် နေရာလပ်မရှိ၍ တဲတော် မတည်ဆောက်ခဲ့ပါ။ သို့သော် ခါနန်ပြည်
“ရှိလော”အရပ်နှင့် အချို့နေရာ အချိန်များ၌ တဲတော်ကို တည်ဆောက်ခဲ့လေသည်။ (ယောရှု ၁၈း၁။ ၅ ရာ၊ ၁၆း၃၉)
အီဂျစ်ပြည်ကို ကျောခိုင်း၍ ခါနန်ပြည်သို့ ရှေ့ရှုသွားကြသော ကန္တာရခရီးသည်အတွက် ရွှေအိမ်တော်သည်
အလွန်အရေးကြီးသကဲ့သို့ ကောင်းကင်နိုင်ငံသို့ ဦးတည်လျှောက်လှမ်းနေသော ယုံကြည်သူများ၏
လောကခရီးကြမ်းတွင်လည်း ရွှေအိမ်တော်နှင့်ဆိုင်သော သွန်သင်ချက်များ သည် မရှိမဖြစ် အရေးကြီး လိုအပ်သည်။
ရွှေအိမ်တော်က ဘုရားသခင်အကြောင်း၊ ဘုရားသခင်၏ သားတော်အကြောင်းနှင့် ကောင်း ကင်ဘုံ ရွှေမြို့တော်
ဘုန်းစည်းစိမ်အကြောင်းကို ဖေါ်ပြသည့် ပုံစံနမူနာပင် ဖြစ်သည်။ (ဟေဗြဲ ၉း၂၃၊ ၂၄)။
ကောင်းကင်ဘုံ၏ အဓိကအကျဆုံးအရာသည် အဘယ်အရာဖြစ်သနည်း။
ဘုရားသခင်၏ သားတော်အရှင်ယေရှုခရစ်သည် ကောင်းကင်ဘုံ၏ အဓိကအကျဆုံးနှင့် အရေး ကြီးဆုံးဖြစ်သည်။
အဘယ်ကြောင့်ဆိုသော် ကောင်းကင်ဘုံ၏ စည်းစိမ်ချမ်းသာနှင့် ဘုန်းအသရေရှိ သမျှသည် အရှင်ယေရှု၌ တည်နေသည်။
ဘုရားသခင်၏ ထာဝရအကြံအစည် တော်၏ အဓိက ပုဂ္ဂိုလ်မှာ အရှင်ယေရှုဖြစ်၏။ ရွှေအိမ်တော် အစိတ်အပိုင်းတစ်ခုစီကို
လေ့လာလျှင် ယေရှုအကြောင်း ကိုသာ ရှုဒေါင့်အမျိုးမျိုးမှ တွေ့ရလေသည်။
တဲတော်၏ ပုံဆောင်ချက်များ
တဲတော်သည် ခရစ်တော်၊ အသင်းတော်နှင့် ယုံကြည်သူ ခရစ်ယာန်တို့ကို ပုံဆောင်လျက် ရှိကြောင်း
ထူးဆန်းအံ့သြဖွယ် တွေ့မြင်ရသည်။
၁။ ခရစ်တော်ကို ပုံဆောင်သည်
တဲတော်၌ ပါဝင်ဖွဲ့စည်းထားသော အရာဝတ္ထုတိုင်းသည် ခရစ်တော်ဆောင်ရွက်ခဲ့သော အမှုများ နှင့် ကိုယ်တော်၏
လူ့ဇာတိလက္ခဏာအချို့ကို ဖေါ်ပြသွန်သင်ထားသည်။ တမန်တော်ကြီး ရှင်ယောဟန်က “နှုတ်ကပတ်တော်သည်လည်း
လူ့ဇာတိကိုခံယူ၍ ကျေးဇူးတော်နှင့်လည်းကောင်း၊ သစ္စာတော်နှင့်လည်းကောင်း၊
ပြည့်စုံလျက်ငါတို့တွင်တည်နေ(ကျိန်းဝပ်)တော်မူသည်ဟု ပြောကြား ခဲ့သည်။’’ (ယော ၁း၁၄) ထို့ကြောင့် ခမည်းတော်ထံမှ
ခံရသော ခရစ်တော်၏ ဘုန်းအသရေကို တဲတော်၌ ကျွန်ုပ် တို့ တွေ့မြင်ရသည်။
တဲတော်၌ ဘုရားသခင်၏ ဘုန်းအသရေတော် စုံလင်စွာ ကျိန်းဝပ်သကဲ့သို့ ခရစ်တော်၌ ဘုရားပကတိ
အဖြစ်တော်စုံလင်စွာ ကျိန်းဝပ်တော်မူ၏ (ကော ၂း၉) ဆက်လက်လေ့လာသောအခါ တဲတော်အတွင်းရှိ
အသေးဆုံးပစ္စည်းမှ အကြီးဆုံးပစ္စည်းတိုင်အောင် ခရစ်တော်ကို ပုံဆောင်လျက် ရှိကြောင်း ကျွန်ုပ်က တွေ့မြင်ရလိမ့်မည်။
၂။ အသင်းတော်ကို ပုံဆောင်သည်
ဓမ္မဟောင်းကာလ တလျှောက်လုံးတွင် တဲတော်၌ နက်နဲသော အရာများကို ဖုံးအုပ်ထားခဲ့ပြီး
ဓမ္မသစ်ကာလရောက်မှ ၀ိညာဉ်တော်အားဖြင့် ကျွန်ုပ်တို့ကို ဖေါ်ပြခဲ့သည် (ဧဖက် ၃း၁-၂၁၊ ၅း၂၃-၃၃၊ ကော ၁း၂၀-၂၉)
သို့ဖြစ်၍ တဲတော်အကြောင်း မလေ့လာဘဲ အသင်းတော်အကြောင်းကို စုံလင်စွာ နားလည်နိုင်မည် မဟုတ်ပေ။
တမန်တော်ကြီး ရှင်ပေါလုက ယုံကြည်သူများအား “ဗိမာန်တော်၌လည်း ဘုရားသခင်သည် ၀ိညာဉ်တော်အားဖြင့်
ကျိန်းဝပ်တော်မူခြင်း အလို့ငှာ သင်တို့သည် ငါတို့နှင့်အတူ တည်ဆောက် လျက်ရှိကြ၏။” (ဧဖက် ၂း၂၂)ဟုပြောရာ၌
တဲတော်အားဖြင့် ပုံဆောင်ပြသခဲ့သည့် အရာများကို ပြန်လည် ပြောကြားနေခြင်းဖြစ်သည်။ အသင်းတော်၏တာဝန်မှာ
ဘုရားသခင်အား ကိုးကွယ် ၀တ်ပြုခြင်းနှင့် ဘုရားသခင်၏ ဘုန်းတော်ထင်ရှားရန် သက်သေခံခြင်းပင်ဖြစ်သည်။
၃။ ယုံကြည်သူခရစ်ယာန်ကို ပုံဆောင်သည်
ရွှေအိမ်တော်သည် ယုံကြည်သူ ခရစ်ယာန်ကိုပုံဆောင်နေ၏။ ခရစ်တော်၌ရှိသော ယုံကြည်သူတို့သည်
ဘုရားသခင် ကျိန်းဝပ်ရာဌာနဖြစ်သည်။ ကော ၁း၂၇ ၌ “ထိုစည်းစိမ်ကား ဘုန်းအသရေကို
မျှော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း”ဟု ဖတ်ရှုရသည်။ တစ်ဖန်
“သင်တို့အသက်သည် ခရစ်တော်နှင့်အတူ ဘုရားသခင်၌ ၀ှက်ထားလျက်ရှိ၏” (ကော ၃း၃၃) ၌ ဖော်ပြထားပြန်သည်။
ဆက်လက်၍ ပေါလုက ကျွန်ုပ်တို့(ယုံကြည်သူ)၏ ကိုယ်ခန္ဓာသည် သန့်ရှင်းသောဝိညာဉ်တော် ကျိန်းဝပ်ရာ ဗိမာန်တော်
ဖြစ်သည် ဟု ဆိုထားလေသည်။ (၁ ကော ၃း၁၆)။
စစ်မှန်သော ယုံကြည်သူ ခရစ်ယာန်တစ်ယောက်၏ ခန္ဓာ၊ စိတ်၊ ၀ိညာဉ်သည် တဲတော်၏ အပိုင်း(၃)ပိုင်းနှင့်ညီ၏။
ယုံကြည်သူ၏ “ကိုယ်ခန္ဓာ”ပိုင်းသည် အပြင်ဘက်ဆုံး တဲတော်�'80င်း အပိုင်းနှင့် တူ၏။ ဤအပိုင်းသည် ယဇ်ပူဇော်ခြင်း၊
သန့်ရှင်းစင်ကြယ်ခြင်းပြုရာ အပိုင်းဖြစ်သည် (ရေ ၁၂း၁-၂၊ ၁ယော၊ ၁း၇-၉)။
“စိတ်” ပိုင်းသည် တဲတော်၏ သန့်ရှင်းဌာနနှင့်တူညီသည်။ ဤအပိုင်းတွင် ယုံကြည်သူများ အတူ
မိတ်သဟာယဖွဲ့ခြင်း၊ ၀တ်ပြုကိုးကွယ်ခြင်း၊ ပွဲတော်စားခြင်းအားဖြင့် ဘုရားသခင်အထံတော် သို့ ချဉ်းကပ်ကိုးကွယ်ရာ
အပိုင်းဖြစ်သည်။
“၀ိညာဉ်”ပိုင်းမှာ တဲတော်၏ အတွင်းဆုံးအပိုင်းဖြစ်သော အသန့်ရှင်းဆုံးဌာနနှင့် တူညီသည်။ ၀ှက်ထားသည့်
အသက်လည်းဖြစ်သည်။ ဤအပိုင်းသည် အသွေးတော်ဖြင့် ဖုံးအုပ်ခြင်းခံရသော ကြောင့် ဘုရားသခင်နှင့် တစ်ဦးချင်း
ဝတ်ပြုကိုးကွယ်၍ ဆက်သွယ်နိုင်သော အပိုင်းဖြစ်သည်။ (ယော ၄း၂၃) (ရော ၁း၉)။ ဤအပိုင်းသည်
ဝိညာဉ်ရေးရာအောင်မြင်မှုရသော နေရာလည်းဖြစ်သည်။
အချုပ်ဆိုရသော် တဲတော်၏ သွန်သင်ချက်နှင့်ပုံဆောင်ချက်များသည် ဓမ္မသစ်ကာလ ခရစ်ယာန်တို့
ဆောင်ရွက်ရမည့်အရာ အလုံးစုံကို ဖော်ပြသည်။
တဲတော်နှင့်ပတ်သက်၍ုဘုရားသခင်၏စီမံချက်(၂)ခုမှာ
(၁) ဘုရားသခင်၏ ကျေးဇူးကရုဏာတော်ကို လူတ့အိုား ထင်ရှားပြခြင်း။
(၂) လူက ဘုရားသခင်အထံတော်သို့ ယုံကြည်ခြင်းဖြင့် တိုးဝင်ချဉ်းကပ်နိုင်ခြင်း၊ ကိုပြသည်။
တဲတော်ဆောက်လုပ်ရာ၌ ပထမဦးဆုံး ပဋိညာဉ်သေတ္တာကို အစပြုဆောက်လုပ်စေပြီးမှ ကြေးဝါယဇ်ပလ္လင်ဖြင့်
အဆုံးသတ်စေခဲ့သည်။ သို့သော် လူသည် ကြေးဝါယဇ်ပလ္လင်၌အစပြု
ချဉ်းကပ်ကာ ပဋိညာဉ် သေတ္တာရှိရာ အသန့်ရှင်းဌာနသို့ ဆက်လက်တိုးဝင်ချဉ်းကပ်ရန် ဘုရားသခင်
ညွှန်ကြားထားလေသည်။ ဤအကြောင်းအရာသည် ခရစ်ယာန်များအတွက် ၀မ်းမြောက်ဖွယ် သတင်း ကောင်းဖြစ်လာသည်။
ကမ္ဘာပေါ်မှာရှိရှိသမျှ ဘာသာတရားအားလုံးက လူတွေ ဘုရားသခင်ကို တွေ့အောင်ရှာရ မည်ဟု
သွန်သင်ထားသော်လည်း သမ္မာကျမ်း၌ကား ဘုရားသခင်ကိုယ်တော်တိုင် လူသားများထံ သို့ ကြွဆင်းလာပြီး
အပြစ်သားများကို ကယ်တင်ရွေးနှုတ်သည့် အလွန်ထူးဆန်းအံ့သြဖွယ်ရာ သတင်းကောင်းရှိ၏။ ခရစ်တော်သည်
ကောင်းကငဘုံပလ္လင်ကိုစွန့်ပြီး လက်ဝါးကပ်တိုင်ထက်၌ ကိုယ်စား အသေခံသည့်တိုင်အောင် လူသားများအား မေတ္တာ၊
ကရုဏာ ထင်ရှားပြသခဲ့သည်။ ထိုသို့ ဖေါ်ပြသည်ကို လူကယုံကြည်လက်ခံခြင်းဖြင့် ကယ်တင်ခြင်းခံစားရမည့် အကြောင်း
ဘုရား သခင် စီမံခဲ့သည်။
နောင်တရသော အပြစ်သားတစ်ယောက်သည် ယုံကြည်ခြင်းဖြင့် ဘုရားသခင် အထံတော် သို့
ပြန်လည်ချဉ်းကပ်လျှင် ကယ်တင်ခြင်းရရှိနိုင်သော အဆင့်(ရ)ဆင့်ရှိသည်။
လမ်းကြောင့် အဆင့်(၇)ဆင့်
၁။ အစပြုဝင်ရောက်ရာ ပထမအဆင့်
တဲတော် ၀င်းတံခါးမှအစပြု၍ ၀င်ရောက်နိုင်သည်။ အရှင်ယေရှုက “ငါသည် သိုးဝင်သော တံခါးဝဖြစ်၏။
ငါဖြင့်ဝင်သောသူသည် ဘေးနှင့်ကင်းလွတ်လျက် ထွက်ဝင်၍ ကျက်စားရာကို တွေ့ ရလိမ့်မည်”ဟု မိန့်ဆိုထား၏။ (ယော
၁၀း၈-၉)။
၂။ ရန်ငြိမ်းခြင်းပြုရာ ဒုတိယအဆင့်
ကြေးဝါ ယဇ်ပလ္လင်၌ ရန်ငြိမ်းခွင့်ရသည်။ ဘုရားသခင်သည် ခရစ်တော်အထဲ၌ တည်နေပြီး လောကီသားတို့၏
အပြစ်များကို မှတ်တော်မမူဘဲ ရန်ကိုငြိမ်းစေ၍ ကိုယ်တော်နှင့် မိတ်သဟာယ ဖွဲ့ စေတော်မူ၏။ ဘုရားသခင်သည်
အပြစ်နှင့်ကင်းစင်သောသူကို ငါတို့အတွက်ကြောင့် အပြစ်ရှိ သောသူဖြစ်စေတော်မူ၏။ ငါတို့သည် ထိုသူအားဖြင့်
ဘုရားသခင်ရှေ့တော်၌ ဖြောင့်မတ်သောသူ ဖြစ်မည့်အကြောင်းတည်း။ (၂ ကော ၅း၁၉-၂၁)။
၃။ သန့်ရှင်းစင်ကြယ်ခြင်းပြုရာ တတိယအဆင့်
အင်တုံ၌ သန့်ရှင်းခြင်းပြုရသည်။ အရှင်ယေရှုက “ ရေချိုးပြီးသောသူ မည်သည်ကား ခြေဆေးခြင်းမှတစ်ပါး
ဆေးရသောအကြောင်းမရှိ။ တစ်ကိုယ်လုံးစင်ကြယ်၏” ဟု တပည့်တော်များ ကို မိန့်တော်မူခဲ့၏ (ယော ၁၃း၁၀)။
ဆက်လက်၍ “သင်တို့သည် ငါဟောပြောသော စကားအားဖြင့် ယခုပင် ရှင်းလင်း (သန့်ရှင်း)လျက်ရှိကြ၏ ”(ယော ၁၅း၃)။
ပေကျံနေသော ခြေ လက်တို့ကို ရေဖြင့် ဆေးကြော သန့်ရှင်းရသကဲ့သို့ ညစ်ညူးသော စိတ်နှလုံးကို
နှုတ်ကပတ်တော်ရေဖြင့် ဆေးကြောရ သည်။ (ဧ ၅း၂၇)။
၎။ အလင်းထွန်းတောက်ရာ စတုတ္ထအဆင့်
ရွှေမီးတိုင်၏ အလင်းရောင်သည် ထွန်းလင်းတောက်ပနေသော အရှင်ယေရှုကို ဆိုလို သည်။ ယေရှုက “ငါသည်
ဤလောက၏ အလင်းဖြစ်သည်။ ငါ့နောက်သို့လိုက်သော သူသည် မှောင်မှိက်၌ မသွားမလာ၊ အသက်၏
အလင်းကိုရလိမ့်မည်”ဟု မိန့်တော်၏။ (ယော ၈း၁၂)။
၅။ စိတ်ကျေနပ်ချမ်းမြေ့ရာ ပဉ္စမအဆင့်
ရှေ့တော်မုန့်စားပွဲ၌ စိတ်ကျေနပ် ချမ်းမြေ့ခွင့်ရသည်။ ယေရှုကလည်း “ငါသည် အသက်မုန့် ဖြစ်၏။
ငါ့ထံသို့လာသောသူသည် နောက်တစ်ဖန် အဆာအမွတ်မခံရ” ဟု မိန့်တော်မူ၏။ (ယော ၆း၃၅)
၆။ ဆုတောင်းပတ္ထနာပြုရာ ဆဌမအဆင့်
နံ့သာပေါင်း မီးရှို့ရာ ရွှေယဇ်ပလ္လင်၌ ဘုရားသခင်ထံ ဆုတောင်းခွင့်ရသည်။ “ထိုကြောင့် ငါတို့သည်
ဘုရားသခင်၏ ကျေးဇူးတော်ကို ၀န်ခံလျက် နှုတ်ခမ်းအသီးတည်းဟူသော ယဇ်ကို သခင်ယေရှုခရစ်အားဖြင့်
ဘုရားသခင်၏ရှေ့တော်၌ အစဉ်ပူဇော်ကြကုန်အံ့ (ဟေဗြဲ ၁၃း၁၅)။
၇။ အတူတကွ မိတ်သဟာယပြုရာ သတ္တမအဆင့်
ရွှေအိမ်တော်အား လူ့အတွေးအခေါ် လူ့အကြံအစည်ဖြင့် တည်ဆောက်ထားခြင်း မဟုတ်ဘဲ ဘုရားသခင်၏
အလိုဆန္ဒ၊ ဘုရားသခင်၏ အကြံအစည်ဖြင့် တည်ဆောက်ထားခြင်းဖြစ်သည်။ “ငါ သည် သင်တို့တွင် ကျိန်းဝပ်ဖို့
သန့်ရှင်းရာဌာနကို လုပ်ကြစေ” (ထွ ၃၉း၄၀)။ တဲတော်သည် အဘယ်လူသားတစ်ယောက်မျှ တွေးတောကြံဆ၍
တည်ဆောက်ရန် မတတ်စွမ်းနိုင်သည့် အဆောက်အအုံတစ်ခုဖြစ်သည်။