တဲတော်၏ မြင်ကွင်း
အခန်း (၂)
ထွ၊ ၂၇
တဲတော်ကို ခပ်လှမ်းလှမ်းမှကြည့်လျှင် အလျား အတောင်(၁၀၀)၊ အနံအတောင် (၅၀)ရှိပြီး ခိုင်ခံ့သော
တိုင်များဖြင့် ထူထားသည့် ပိတ်ချော ၀င်းထရံဖြူကို ထင်ထင်ရှားရှား တွေ့မြင်ရမည်။ (ထွ ၂၇း၉-၁၂)
ဤအတိုင်းအတာသည် ယခုခေတ် အတိုင်းအတာအရ အလျားပေ (၁၅၉)နှင့် အနံ (၇၅)ပေခန့်ရှိသည်။
တဲတော်ဝင်းတစ်ခုလုံးကို အဖြူရောင် ပိတ်ချောထည်ဖြင့် ပတ်ပတ်လည် ကာရံထားပြီး ငွေတံစို့များဖြင့်
ကြေးဝါတိုင်ပေါင်း (၆၀)၌ ချိတ်ဆွဲထား၏။ တိုင်ထိပ်များတွင် ငွေဖြင့်ပြုလုပ်ထား သော ထိပ်ဖုံးအသီးသီးရှိပြီး တိုင်များကို
သဲပြင်ပေါ်ရှိ ကြေးဝါ ခြေစွပ်(၆၀)ထဲတွင် စိုက်ထူထား၏။ တိုင်တစ်တိုင်စီကို အကွာအဝေးတူညီစွာ စိုက်ထူထားပြီး
ငွေတန်းများဖြင့် ဆက်သွယ်လျက် ကြေးဝါ တံသင်(ငုတ်)များ၌ ကြိုးဖြင့် ချည်နှောင်ထားလေသည်။
ဝင်းထရံ၏အမြင့်မှာ ၅ တောင် (၀ါ) ၇ ၁/၂ပေရှိပြီး ၀င်းအတွင်းရှိ ရွှေအိမ်တော်၏ အမြင့်မှာ အမိုးအပါအ၀င်
အမြင့်(၁၀)တောင်ရှိသည်။ ရွှေအိမ်တော်ကို ဖြန့်မိုးထာသော အမိုးသည် အရောင် အဆင်းကင်းမဲ့၍ တောက်ပမှုမရှိသဖြင့်
အဝေးမှကြည့်လျှင် စိတ်ဝင်စားဖွယ်ရာ အကြောင်းမရှိပေ။ အဓိပ္ပါယ်ကင်းမဲ့လျက် စိတ်ဝင်စားဖွယ် မရှိချေ။
အိမ်တော်အတွင်းသို့ မ၀င်သေးသော သူမှန်သမျှ သည် တဲတော်ထဲရှိ အရာဝတ္ထုများနှင့် ဘုရားသခင်၏ နှုတ်ကပတ်တော်
အနက်အဓိပ္ပါယ်ကို နားမလည်နိုင်ချေ (သ ကော ၁း၁၈၊ ၂၃)။
ဤလောက၌ အရှင်ယေရှု သက်တော်ထင်ရှားရှိစဉ်ကလည်း လူအပေါင်းတို့သည် ကိုယ် တော်အရှင်အား
စိတ်ဝင်စားခြင်း၊ လေ့လာရှာဖွေခြင်း မရှိခဲ့ချေ။ ထိုသူတို့အတွက် ဘုရားသခင်နှင့် ဆိုင်သော အရာခပ်သိမ်းတို့သည်
ဖုံးအုပ်လျက်ရှိ၏။
“ထာဝရဘုရား၏ ကျွန်သည် အညွန့်ကဲ့သို့လည်းကောင်း၊ သွေ့ခြောက်သောမြေ၌ ပေါက် သောအတက်ကဲ့သို့
လည်းကောင်း၊ ရှေ့တော်၌ ကြီးပွား၏။ … ငါတို့သည် မရိုသေကြ” (ဟေရှာ ၅၃း၂-၃)ဟု ပရောဖက်ဟေရှာယက
ပြောခဲ့သည့်အတိုင်း ကယ်တင်ခြင်းမရသေးသော သူတို့သည် ကိုယ်တော်ရှင်အကြောင်းကို စိတ်ဝင်စားမှု လုံးဝမရှိကြချေ။
ကယ်တင်ခြင်းရပြီးသော ယုံကြည်သူတိုင်းသည် ဘုရားနှင့်သက်ဆိုင်သည့် အကြောင်းအရာ များကို
အတွေ့အကြုံအားဖြင့် နားလည်သဘောပေါက်လာကြသည်။ မယုံကြည်သေးမီက ခရစ် တော်သည် ကျွန်ုပ်တို့အတွက်
စိတ်ဝင်စားဖွယ် မရှိသော်လည်း ခရစ်တော်ကို ယုံကြည်လက်ခံပြီး သည့် နောက်ပိုင်းတွင် ကိုယ်တော်ရှင်သည်
ကျွန်ုပ်တို့အတွက် ထာဝစဉ်ကြီးမြတ်၍ တန်ဖိုးမဖြတ် နိုင်သောသူ၊ လေ့လာရှာဖွေ ဆန်းစစ်၍ မကုန်နိုင်သောသူဖြစ်ကြောင်း
သိကျွမ်းလာသည်။
မကျူးကျော်ရ (ထွ ၂၇း၉-၁၈)
တဲတော်အား ကာရံထားသည့် ၀င်းထရံကို အနီးကပ်ကြည့်သောအခါ သာ၍ စိတ်ဝင်စား ဖွယ်ကောင်းလှ၏။
တဲတော် ၀င်းထရံ၏ အဖြူရောင်ပိတ်ချောသည် ညိုပုပ်မဲညစ်နေသော လူနေတဲ အိမ်များနှင့် လုံးဝဆန့်ကျင်ဖြစ်နေသည်။
အဓိပ္ပါယ်ကား တဲတောဝ် င်းအတွင်းဘက်သည် လူနေတဲ များလို မဟုတ်ဘဲ သန့်ရှင်းခြင်း၊ မြင့်မြတ်ခြင်းတို့ဖြင့်
တင့်တယ်လျက်ရှိကြောင်း ဖေါ်ပြနေသည့် အမှတ်လက္ခဏာဖြစ်သည်။
ဝင်းခြံ၏အမြင့်သည် ၅တောင်(၀ါ) ၇ ၁/၂ ပေ ခန့်ရှိခြင်းကြောင့် ၀င်းအပြင်ဘက်မှ လူသည် အထဲ၌ရှိသော
အရာများကို မမြင်မတွေ့နိုင်ပေ။ ထိုသို့မမြင်နိုင်အောင် ကာရံထားခြင်းမှာ ဘုရား သခင်ကိုယ်တော်တိုင် မိမိသဏ္ဍာန်ကို
ဝင်းအပြင်ဘက်မှ လူတို့အား ထင်ရှားဖေါ်ပြခြင်းမပြုလိုသော ကြောင့်ဖြစ်သည်။ ထိုနေရာ၌ အဘယ်သူကိုမျှ
လွယ်လင့်တကူ လက်ခံခြင်းမရှိပေ။ မြင့်မားရှည် လျားသော အဖြူရောင်ကန့်လန့်ကာ များက “အခွင့်မရှိ မ၀င်ရ”ဟု
ဟန့်တားပိတ်ပင်နေသယောင် ယောင်။ ဤအချက်သည် အထူးအရေးကြီးလှသည်။ အဘယ်ကြောင့်ဆိုသော
ဘုရားသခင်ထံသို့ ချဉ်းကပ်လိုသော လူသားတိုင်း ဘုရားသခင်၏ နည်းလမ်းအတိုင်းသာ ချဉ်းကပ်ရန် ပညတ်ချက်
ချထားခြင်းကြောင့်ပေတည်း။
ထိုကန့်လန့်ကာများကဲ့သို့ ဖြူစင်လျက် အညစ်အကြေး အစွန်းအကွက် ကင်းစင်သော လူသားတစ်ယောက်ကို
ကျွန်ုပ်တို့ သတိပြုမိဖို့ လိုအပ်သည်။ သန့်ရှင်းဖြူစင်၍ စုံလင်သော ထို လူသားကား ယေရှုခရစ် ပေတည်း (ဟေဗြဲ ၇း၂၆)။
ချစ်မိတ်ဆေ-ွ
ကန့်လန့်ကာများနည်းတူ သင်၌ သန့်ရှင်းဖြူစင်ပါသလား။
ထိုနေရာနှင့် စပ်ဆိုင်မှုရှိပြီးလား။
လူမြောက်များစွာတို့သည် ခရစ်တော်၏ နောက်တော်သို့ လိုက်ချင်ကြပြီး ထိုသို့လိုက်ခြင်း သည်မှန်သော
အမှုပြုခြင်းဖြစ်သည်ဟု ထင်မြင်တတ်ကြသည်။ ၀င်းထရံအပြင်ဘက် မွဲညစ်ပေရေ နေသော လူနေတဲများရှိ ညစ်ညူးသော
အပြစ်သားများနှင့် ဤလောကကြီးအတွင်းမှ ကျွန်ုပ်တို့လူ သားများသည် သန့်ရှင်းစင်ကြယ်တော်မူသော
အရှင်ယေရှုနှင့်ပေါင်းစပ်၍ မရနိုင်အောင် ကွာခြား နေကြောင်း ဤအဖြူရောင်ဝင်းထရံအားဖြင့် ဘုရားသခင်က ပထမဆုံး
သတိပေး သွန်သင်နေ သည်။ ဤဖြူသော ၀င်းထရံက အပြစ်သားမျာသည် သန့်ရှင်းသော ဘုရားသခင်အထံတော်သို့
လွယ်လင့်တကူ မသွားနိုင်ကြောင်းနှင့် ခရစ်တော်အနီးတွင် နေရန် (၀ါ) ခရစ်တော်နောက်သို့ အလွယ်တကူ
မလိုက်နိုင်ကြောင်း ကျွန်ုပ်တို့အား သတိပေး သွန်သင်လျက်ရှိသည်။
တဲတော် ၀င်းထရံ၏ အပြင်ဘက်ရှိ အပြစ်သားများသည် မည်မျှညစ်ပတ် ရွံ့ရှာဖွယ် ကောင်း လှသည်ကို
ကိုယ်တော်ရှင်၏ သန့်ရှင်းခြင်း၊ အပြစ်ကင်းစင်ခြင်းတို့က မီးမောင်းထိုးပြလျက်ရှိသည်။ ထို့ကြောင့် “ဖြောင့်မတ်သောသူ
မရှိ၊ တစ်ယောက်မျှ မရှိ … လူအပေါင်းတို့သည် ဒုစရိုက်ကိုပြု၍ ဘုရားသခင်ရှေ့တော်၌ အသရေပျက်ကြပြီး” (ရော ၃း၁၀-
၂၃) ကို ဦးစွာ ဆင်ခြင်အောက်မေ့ကာ လူသားတိုင်း မိမိကိုယ်ကို ရွံ့ရှာဖွယ်ကောင်းသော အပြစ်သားများ ဖြစ်ကြောင်း
ဝန်ခံလျက် နောင်တ ရဖို့လိုသည်။
ချစ်မိတ်ဆွေ
သင့်အပြစ်များကို ပွင့်ပွင့်လင်းလင်း ၀န်ခံလျက် ဘ၀ဆုံးပါးနေသည့် အဖြစ်မှ ကယ်ချွတ်ချမ်း သာခြင်းရရန်
ဘုရားသခင် အထံတော်သို့ လာလိုပါသလား။ လာလိုသော စိတ်ဆန္ဒရှိသူတိုင်းအား လက်ခံရန် ဘုရားသခင်
အသင့်ရှိတော်မူ၏။ ဘုရားသခင် အထံတော်သို့ လာလိုကြသော အပြစ် သားအတွက် တဲတော်ဝင်း အရှေ့ဘက်၌
တံခါးပေါက်တစ်ပေါက် ဖွင့်ပေးထားသည်။
No comments:
Post a Comment