Wednesday, October 27, 2010

အခန်း (၄)

မီးရှို့.ရာ ယဇ်ပလ္လင်
အခန်း (၄)
ထွ၊ ၃၈း၁-၈
ဣသရေလ လူတစ်ယောက်သည် တဲတော်သို့ တစ်ရွေ့ရွေ့ ချဉ်းကပ်လာနေ၏။ ထိုသူသည် နေမကောင်းဟန်ရှိပြီး
စိတ်မငြိမ်မသက် ဖြစ်နေပုံရသည်။ သူနှင့်အတူ သိုးတစ်ကောင်ပါလာ၏။ ဤ နေရာသို့ ရောက်လာရန် အဘယ်အရာက
သူ့အား တိုက်တွန်းနှိုးဆော် ခဲ့သနည်း။ အပြစ်ကျူးလွန် ခြင်းကြောင့် သူ့သြတ္တပစိတ်သည် ကြည်လင်မှုကင်းမဲ့ကာ
ဘုရားသခင်ကို ကြောက်လျက်ရှိသည်။ ရွှေအိမ်တော်၌ ကျိန်းဝပ်သော သန့်ရှင်းမြင့်မြတ်တော်မူသည့် ဘုရားသခင်ကို
သူသိသည်။


ဘုရားသခင် အထံတော်မှ ဆန့်ကျင်ဘက် ဝေးရာအရပ်သို့ ပြေးသင့်သလော။ မပြေးသင့်ပါ။
ဘုရားသခင်အထံတော်မှ အဘယ်သူမျှ ပြေးမလွတ်နိုင်ပါ။ ရှောင်ပြေးဖို့ မဆိုထားနှင့် သန့်ရှင်းမြင့် မြတ်တော်မူသော
ဘုရားသခင်အကြောင်းကို စဉ်းစားမိလျှင်ပင် ဇောချွေးပြန်လာသည် မဟုတ်ပါ လော။
တဲတော် ၀င်း
ထိုသူသည် ၀င်းထရဲဖြူ၏ မြောက်ဘက်အတိုင်း လျှောက်လာသောအခါ ၀င်းထရံကန့်လန့် ကာ၏
သန့်ရှင်းဖြူစင်မှုက သူ၏သြတ္တပစိတ်ကို လာရောက်ရိုက်ခတ်နေလေ၏။ ထိုမှတဖန် အရှေ့ ဘက်သို့
ဆက်လျှောက်လာသောအခါ ကျယ်ဝန်းသည့် တံခါးပေါက်တစ်ခုကို တွေ့လိုက်ရသဖြင့် ထိုသူသည်
တွေးတောတုံ့ဆိုင်းခြင်းမရှိပဲ အတွင်းသ၀ို့ င်ရောက်သွားလေသည်။ ယခုအခါ ကျယ၀် န်း လှသည့် တဲတောဝ် င်းထဲတွင်
သူရပ်နေပြီ။ သူ့ရှေ့တွင် လှပ၍ အလွန်စိတ်ဝင်စားဖွယ် ကောင်းသော ဘုရားသခင်၏ အိမ်တော်သည် ထီးထီးမားမား
တည်ရှိနေသည်။ နေရောင်ခြည်သည် တဲတော်ဝင်း သဲမြေပေါ်သို့ ဖြာဆင်းလျက်ရှိရာ သူ့စိတ်ထဲ၌ ဘုရားသခင်၏
ဘုန်းတော်ရောင်ခြည်အောက်တွင် ရောက်နေသလို ခံစားရပြီး ဘုရားသခင်သည် သူ့အကြောင်းကို သိတော်မူလျက်
သူ့စိတ်နှလုံးထဲ အထိ ဖေါက်ထွင်းစူးစိုက် ကြည့်ရှုနေသကဲ့သို့ သူခံစားနေရသည်။
ထိုအခိုက် သူ့ထံသို့ ယဇ်ပုရောဟိတ် တစ်ပါး ချဉ်းကပ်လာပြီး မေးလိုက်သည်။
“ခင်ဗျား ဘာ-ဖြစ်လာသလ”ဲ
ထိုသူက “ကျွန် … ကျွန်တော်အပြစ်လုပ်မိတယ်။ အဲဒါ … ဘုရားသခင် အပြစ်ပေးမှာ စိုးလို့” ဟု ထစ်ထစ်ငေါ့ငေါ့
ပြန်ဖြေလိုက်ရာ ယဇ်ပုရောဟိတ်ဖြစ်သူက နှစ်သိမ့်စကား ပြန်ပြောလိုက်လေ သည်။
ဤနေရာသည် မိမိကိုယ်ကို သူတော်ကောင်းဟု ထင်မှတ်နေသူများအတွက် မဟုတ်ဘဲ အပြစ်ခွင့်လွှတ်ခြင်း
ရလိုသည့်အပြစ်သားများအတွက် ဘုရားသခင် ပြင်ဆင်ပေးထားသော နေရာ ဖြစ်သည်။
ယဇ်ပလ္လင်နှင့် ပူဇော်သက္ကာ
“ကဲ … ငါ့နောက်ကို လိုက်ခဲ့” ဟု ယဇ်ပုရောဟိတ် ခေါ်ဆောင်သွားသည့် နောက်သို့ လိုက် သွားရာ
တဲတော်ဝင်းအတွင်းမှ ပထမဆုံး မြင်တွေ့ရသော အလွန်ကြီးမားသည့် ကြေးဝါယဇ်ပလ္လင် အနီးသို့ရောက်လျှင်
နှစ်ယောက်စလုံး ရပ်လိုက်ကြသည်။
“ယဇ်ပလ္လင်”၏ အနက်အဓိပ္ပါယ်မှာ အသက်စတေးရာအရပ်ဖြစ်၍ ထိုနေရာတွင် ကျွန်ုပ်တို့ ခန့်မှန်းတွေးဆ
မရနိုင်လောက်အောင် များပြားလှသော တိရိစ္ဆာန်တို့ကိုသတ်၍ မီးရှို့ပူဇော်ရာ အရပ် ဖြစ်သည်။ ယဇ်ပလ္လင်နှင့်
ပူဇော်သက္ကာသည် လက်ဝါးကပ်တိုင်နှင့် ယေရှုခရစ် အသေခံပေးဆပ်ပြီး စီးစေခဲ့သော ရန်ငြိမ်းခြင်းအမှုတို့ကို
ဆိုလိုကြောင်း သမ္မာကျမ်းအားဖြင့် ကျွန်ုပ်တို့သိရသည်။ ဤ အကြောင်းအရာသည် ဘုရားသခင် အကြံအစည်တော်၏
အဓိကအချက်ဖြစ်ပြီး အပြစ်သားများ ကယ်တင်ခြင်း ခံစားရရှိရန် တစ်ခုတည်းသော နည်းလမ်းလည်းဖြစ်သည်။
ယဇ်ပလ္လင်နှင့် ခေတ်အဆက်ဆက်က ပူဇော်ခဲ့သော ယဇ်ကောင်များသည် ယေရှုခရစ် ဆောင်ရွက်ပြီးစီးခဲ့သော
ပူဇော်သက္ကာနှင့် ကားတိုင်ထက်တွင် ဆောင်ရွက်ပြီးစီးသော ရွေးနှုတ်ခြင်း အမှုကို ပန်းချီကားတစ်ချပ်သဖွယ်
စိတ်ဝင်စားဖွယ်ရာ ဖော်ကျူးလျက်ရှိသည်။
သို့ဖြစ်၍ ကားတိုင်ပေါ်မှ ရွေးနှုတ်ရှင်သခင် ခရစ်တော်သည်သာ ထာဝရကာလ တလျှောက် လုံး
ကောင်းကင်နှင့်မြေကြီး (၀ါ)ဘုရားသခင်နှင့် လူသားများအကြားတွင် ပေါင်းကူးတံတား ဖြစ်လေသည်။
ဘုရားသခင်၏ အကြံအစည်တော်
ဘုရားသခင်သည် မိမိဖန်ဆင်းထားသော အရာများ၏ ရှေ့ရေးကို ကြိုတင်သိမြင်ထား၏ ထိုမျှမက ဘုရားသခင်
ဖန်ဆင်းထားသော အရာမှန်သမျှကို စာတန်မာရ်နတ်သည် ဖျက်ဆီးလျက် လူသားတစ်ဦးစီ၏ အသက်တာကို
ထာဝရပျက်စီးခြင်းငရဲသို့ သူနှင့်အတူ ခေါ်ဆောင်သွားရန် ကြံစည်လုပ်ဆောင်နေသည်ကိုလည်း သိမြင်တော်မူ၏။
ထို့ကြောင့် ဘုရားသခင်သည် ရှေးမဆွပင် လူကို ကယ်တင်မည့်အကြံအစည်တော် ရေးဆွဲထားခဲ့သည်။
ထိုအကြံအစည်တော်ကိုလည်း ဘုရားသခင် တစ်ပါးတည်းသာ ကြံစည်ရေးဆွဲနိုင်စွမ်း ရှိတော်မူ၏။
ဘုရားသခင်သည် သန့်ှင်းမြင့်မြတ်သော ဘုရားဖြစ်ခြင်းကြောင့် အပြစ်သားကို အပြစ်မစီရင် ဘဲ အပြစ်စီရင်
ဆုံးမရခြင်းဖြစ်သည် (၁ယော၊ ၁း၅)။
သို့ဖြစ်လျှင် ချစ်ခြင်းမေတ္တာရှင် ဘုရားသခင်သည် ချစ်ခြင်းမေတ္တာကို မည်သို့ဖော်ပြနိုင်တော့ မည်နည်း (၁ယော၊
၎း၈။ ၁၆)။ ဘုရားသခင်သည် တစ်ပါးတည်းသော သားတော်ယေရှုကို ဤ လောကသို့ စေလွှတ်ပြီး လူ့ဇာတိခံယူစေလျက်
အပြစ်သားများကိုယ်စား အသေခံစေခြင်းဖြင့် မိမိ ၏ ချစ်ခြင်းမေတ္တာကို ပေါ်လွင်ထင်ရှားအောင် ဖေါ်ပြခဲ့သည်။
ဓမ္မဟောင်းကျမ်း တစ်လျှောက်လုံးရှိ ယဇ်ပလ္လင်တစ်ခုစီနှင့် ယဇ်အဖြစ် ပူဇော်စတေးခြင်းခံရ သော
သတ္တ၀ါရှိသမျှတို့သည် တစ်နေ့ ဤလောကသို့ ကြွဆင်းလာပြီး ကားတိုင်ထက်တွင် အသေခံ တော်မူမည့် ဘုရားသခင်၏
တစ်ပါးတည်းသော သားတော် ယေရှုခရစ်ကို ပုံဆောင်ရည်ညွှန်းလျက် ရှိသည်။
ကိုယ်စားပြု အသေခံသော နေရာ
တဲတော်ဝင်းထဲသို့ သိုးသူငယ်တစ်ကောင် ယူဆောင်လာခဲ့သော လူတစ်ယောက်အား ယဇ်ပုရောဟိတ်က
ဤသို့ပြောလိုက်သည်။
“ခင်ဗျား ယဇ်ပူဇော်ဖို့ သိုးတစ်ကောင် ယူလာတာကို ကျွန်တော်သတိထားမိတယ်”
ယဇ်ကောင်ယူလာသူက “ဟုတ်ပါတယ်၊ ဒီသိုးဟာ တကယ်ပဲ အသေခံရမှာလား” ဟု ပြန်မေးလိုက်သည်။
“တကယ် အသေခံရမှာပေါ့။ အသွေး မသွန်းလောင်းရင် ဘယ်လိုမှ အပြစ်မလွတ်နိုင်ဘူး” (ဟေဗြဲ ၉း၂၂)
“ဒါပေမယ့် ဒီသိုးမှာ ဘာအပြစ်မှ မရှိဘူးလေ။ ကျွန်တော့်ကလေးတွေဆိုရင်လဲ ဒီသိုးကလေး ကို
သိပ်ချစ်ကြတာပဲ။ နောက်ပြီး ဒီသိုးလေးဟာ ဘာအပြစ်တစ်ခုမှ မကျူးလွန်ခဲ့ဘူး”
“အေး … အဲဒီအချက်ဟာ အဓိကအချက်ပဲ။ ဘာကြောင့်လဲဆိုရင် အပြစ်ရှိတဲ့လူဟာ အပြစ်ရှိတဲ့
အခြားလူတစ်ယောက်နေရာမှာ ဘယ်လိုမှ ကိုယ်စားအပြစ်ဒဏ် ၀င်ခံပေးလို့ မရဘူး။ ခင်ဗျားလဲ ခင်ဗျားရဲ့အပြစ်ကြောင့်
အပြစ်ဒဏ်ခံရမယ်။ ကဲ … ခင်ဗျားအသေခံရမယ်။ ဒါမှမဟုတ် ခင်ဗျားကိုယ်စား အပြစ်ကင်းတဲ့သူတစ်ယောက်ကို
အစားထိုးရမယ်”
“ကျွန် … ကျွန် … ကျွန်တော် မသေပါရစေနဲ့”
“ဒီလိုဆိုရင် သိုးကလေးရဲ့ခေါင်းပေါ်မှာ ခင်ဗျားရဲ့လက်ကို တင်လိုက်ပါ။ ဒီလိုလုပ်တာဟာ သိုး ကလေးမှာ
အပြစ်မရှိဘဲ ခင်ဗျားမှာသာ အပြစ်ရှိလို့ သေထိုက်တယ်ဆိုပြီး ၀န်ခံတာနဲ့ အတူတူပဲ။ ဘုရားသခင်ရဲ့အမြင်မှာ ခင်ဗျား
ယဇ်ပူဇော်မယ့် သိုးကလေးဟာ ခင်ဗျားနဲ့တစ်ခုတည်း တစ်လုံးတစ် ကိုယ်တည်းဖြစ်သွားပြီးလို့ မြင်တယ်။
ခင်ဗျားရဲ့အပြစ်တွေဟာ သိုးကလေးအပေါ် ရောက်သွားပြီ။ အခု ခင်ဗျားကိုယ်စား သိုးကလေးက အသေခံသွားပြီး
သိုးကလေး အသေခံသွားတဲ့အချိန်မှာ အပြစ်စီရင်ခြင်းကနေ ခင်ဗျားလွတ်သွားပြီ။ ခင်ဗျားမှာ အပြစ်ကင်းစင်သွားပြီလို့
ဘုရားသခင် ပြော တယ်။
ယဇ်ပူဇော်ခြင်းနှင့်ပတ်သက်၍ ယဇ်ပူရောဟိတ်ဖြစ်သူက အကျယ်တ၀င့် ရှင်းလင်းပြောပြပြီး နောက်
ယဇ်ပူဇော်ရန်လာသော ဣသရေလလူသည် သိုးသူငယ်၏ဦးခေါင်းပေါ်သို့ လက်ကိုညင် သာစွာ တင်လိုက်၏။
ထို့နောက် ဓားကိုမြှောက်လျှက် သိုးလေးပေါ်သို့ စိုက်ချလိုက်လေသည်။
သိုးသူငယ်၏အသွေးသည် သဲပြင်ပေါ်သို့ ယိုစီးသွားလေပြီ။ အလွန်ကြောက်မက်ဖွယ်ရာ မြင် ကွင်းပါတကား။
ဣသရေလလူသည် အထက်မိုးကောင်းကင်သို့ ခေတ္တခဏ မော့ကြည့်လိုက်သည်။ ထိုခဏ ချင်းတွင်
သူ့ပုခုံးထက်မှ အလွန်လေးလံသော ၀န်ထုပ်ကြီးတစ်ခု ပြုတ်ကျသွားသကဲ့သို့ ခံစားလိုက် ရပြီးနောက်
သက်ပြင်းချလိုက်မိသည်။ “အင်း ငါ့နေရာမှာ အပြစ်မဲ့တဲ့ သိုးကလေး အသေခံသွားရှာ ပါလား” အပြစ်သားရှိသမျှသည်
ဤနည်းအတိုင်း အပြစ်ဖြေမှသာ ဘုရားသခင်၏ ခွင့်လွှတ်ခြင်းကို ခံစားရမည်။
“အို … အဖ ဘုရားသခင်၊ ကိုယ်တော်ရှင်၏ ကျေးဇူးသည် ကြီးမားလှပါ၏”။
သင် ဘယ်လို သဘောရပါသလဲ။
စာဖတ်သူ ချစ်မိတ်ဆွေ - သင့်ကို မေးပါရစေ။
အထက်ပါလုပ်ဆောင်ချက်ကို သင်ခေတ္တ စဉ်းစားဆင်ခြင်ကြည့်ပါ။ ခရစ်တော် အသေခံရာ
ကားတိုင်သို့ချဉ်းကပ်ပြီး ကိုယ်တော်ရှင်၏ ကယ်တင်ခြင်း အရိပ်အောက်တွင် ခိုလှုံချင်သော စိတ်ဆန္ဒ သင်၌ရှိပါသလား။
ခရစ်တော် တစ်ပါးတည်းသာ သန့်ရှင်းမြင့်မြတ်၍ အပြစ်ကင်းစင်တော် မူသော အရှုင်ဖြစ်ခြင်းကြောင့် အပြစ်သားများ
ကိုယ်စား အသေခံ ပေးဆပ်နိုင်စွမ်း ရှိသည်။
ကိုယ်တော်သည် စာဖွဲ့ရေးသား၍ မမီနိုင်သော ဒုက္ခဝေဒနာကို ခံစားလျက် အသေခံတော်မူ ခဲ့၏။ ထိုသို့
ဝေဒနာခံစား၍ အသေခံတော်မူခြင်းအားဖြင့် မည်သူအကျိူးကျေးဇူး ခံစားရသနည်း ဟု သင် မေးကောင်းမေးလိုလိမ့်မည်။
ခရစ်တော် အသေခံခြင်းဖြင့် လူသားတိုင်း အကျိုးကျေးဇူး ခံစားရ၉သည် မဟုတ်ပါ။
ထောင်ပေါင်းများစွာသော သူတို့သည် ကယ်တင်ပိုင်ရှင်ကို အလေးအနက်ထား၍ မရှာကြ သည့်အပြင်
မိမိတို့အတွက် အသက်စွန့်တော်မူသော အရှင်ထံ ခိုလှုံချဉ်းကပ်ခြင်း မပြုဘဲ အပြစ် ဒုစရိုက်ထဲ၌
သောက်စားပျော်မွေ့နေခြင်း (သို့မဟုတ်) ဂုဏ်အသရေ ထင်ရှားကျော်ဇောမှုများ၌ ယစ်မူးလျက် အချိန်ကုန်နေကြသည်။
ထိုသူတို့သည် အသက်သေဆုံး၍ ထာဝရပျက်စီးခြင်းငရဲသို့ ရောက်သည့်တိုင်အောင် မိမိတို့၏ နောင်တမလွန်ဘ၀
အသက်ဝိညာဉ်ကို လစ်လျူရှုထားကြသည်။
လူအချို့ကလည်း ကားတိုင်ကိုမျှော်ကြည့်လျက် အရှင်ယေရှုအကြောင်းကို စိတ်ပါဝင်စားစွာ
လေ့လာကြသော်လည်း ထိုဣသရေလ လူကဲ့သို့ နောင်တဖြင့် ဘုရားသခင် အထံတော်သို့တစ်ခါမျှ အားကိုးချဉ်းကပ်ခဲ့ခြင်း
မရှိကြပေ။
ဘုရားသခင်၏ သိုးသူငယ် ယေရှုအပေါ်သို့ မိမိ၏အပြစ်ဝန်ထုတ်ကို တင်သောသူတိုင်း အတွက် ယေရှုခရစ်
အသေခံခဲ့ခြင်းဖြစ်သည်။ သင်လည်း ယခုပင် ထို ဣသရေလ လူနည်းတူ ပြုခွင့်ရှိပါသည်။ ကားတိုင်ပေါ်တွင်
ဆွဲမြှောက်ခြင်းခံရသော ကယ်တင်ရှင် ယေရှုခရစ်ကို သင်မျှော် ကြည့်လျက် အောက်ပါအတိုင်း ဆုတောင်းနိုင်သည်။
အရှင် ယေရှုဘုရား -
“အကျွန်ုပ်သည် အပြစ်ရှိသောသူ ဖြစ်ခြင်းကြောင့် ကားတိုင်ပေါ်တွင် အသေသတ်ခြင်း ခံထိုက်သော်လည်း
ကိုယ်တော်ရှင်သည် အကျွန်ုပ်ကိုယ်စား အသေခံခဲ့ပြီးကြောင်း ယုံကြည်ပါ၏။ အဖဘုရားသခင် ကိုယ်တော်ရှင်၏
အကြံအစည်တော်အတိုင်း ကိုယ်တော်ရှင်၏ သားတော် အရှင်ယေရှုသည် ကားတိုင်ထက်တွင် အကျွန်ုပ်၏ အပြစ်ကြွေး
ပေးဆပ်ဖြေရှင်းပြီးစီးခဲ့သော ရွေးနှုတ်ခြင်း အမှုကို ယုံကြည်ကိုးစားပါ၏။ ကိုယ်တော်ရှင်၌ ခိုလှုံရသောကြောင့်
ကျေးဇူးတော် ကြီးလှပါ၏။ အာမင်း။
အထက်ပါအတိုင်း ယုံကြည်အားကိုးမှု အပြည့်ဖြင့် ဆုတောင်းလျှင် ယေရှုခရစ်၏ အသွေး တော်ဖြင့်
သင့်အပြစ်ရှိသမျှကို ဘုရားသခင် ဆေးကြောခွင့်လွှတ်ခြင်းကို သင်ခံစားရမည်။ အပြစ် စီရင်ခြင်းမှ
သင်လွတ်မြောက်သွားပြီ။ ထာဝရလွတ်မြောက်ခဲ့ပြီ။ ထို့ကြောင့် နောက်တစ်ဖန် အပြစ် စီရင်ခြင်းဒဏ်
ခံရတော့မည်မဟုတ်၍ အောက်ပါအတိုင်း ၀မ်းမြောက်စွာ ချီးမွမ်းနိုင်ပေသည်။
ကားတိုင်တွင် ပေးဆပ်သော ကျေးဇူးအတွက် ယေရှုကို အကျွန်ုပ် အစဉ်ဆင်ခြင် ချီးမွမ်းပါ မည်။
ပညတ်တရားသည် အကျွန်ုပ်ကို ဘယ်သောအခါမှ တရားမစီရင်နိုင်တော့ပါ။ ခရစ်တော် သည် ကျွန်ုပ်ကိုယ်စား
ကျိန်ခြင်းခံခဲ့ပြီ။ ကရာနီကုန်း၌ အကျွန်ုပ်ကိုယ်စား ယေရှုခရစ် အသေခံ တော်မူပြီး၍ အကျွန်ုပ်သည် အပြစ်တရားနှင့်
သေခြင်းတရားနှစ်ခုစလုံးအောက်မှ ယခု လွှတ်မြောက်ခဲ့ပြီ။ ယေရှုခရစ်သည် အသက်စွန့်၍ အကျွန်ုပ်ကို
ရွေးနှုတ်ဝယ်ယူခဲ့လေပြီ။
ယဇ်ပလ္လင်၏ အတိုင်းအတာ
ယဇ်ပလ္လင်ပေါ်သို့ သိုးငယ်ကို တင်လိုက်မှ ဣသရေလ လူသည် ယဇ်ပလ္လင်ကို ဂရုစိုက်ကြည့် မိပြီး ယဇ်ပလ္လင်မှာ
အတော်အတန် ကြီးမားကြောင်း သတိပြုမိလေသည်။ ယဇ်ပလ္လင်သည် အလျား (၅)တောင်၊ အနံ(၅)တောင်ရှိ၍
ခပ်စောက်စောက်ပုံသဏ္ဌာန်ရှိသည်။ နံပါတ်(၅)ဂဏာန်းသည် တာဝန်ဝတ္တရားနှင့် သက်ဆိုင်သော ဂဏာန်းဖြစ်ကြောင်း
သမ္မာကျမ်း၌ တွေ့ရသည်။ ဘုရားသခင် နှင့်စပ်ဆိုင်၍ လူဘက်မှလိုက်နာကျင့်သုံးရမည့် တာဝန်ဝတ္တရားများကို
ပညတ်တော် (၅)ပါး သတ်မှတ်ထားရှိသကဲ့သို့ လူလူချင်း လိုက်နာကျင့်သုံးရမည့် တာဝန်ဝတ္တရားများကိုလည်း ပညတ်
တော်(၅)ပါး သတ်မှတ်ထားလေသည်။ (ထွ၊ ၂၀)။
ကျွန်ုပ်တို့၏ ခြေနှင့်လက် တစ်ဖက်စီတွင် ခြေချောင်း၊ လက်ချောင်း(၅)ချောင်းစီ ရှိကြသည်။
ကျွန်ုပ်တို့၏လက်များဖြင့် ဘယ်အရာကို လုပ်ဆောင်နေကြသလဲ။ ကောင်းသောအရာများကို လုပ် ဆောင်နေပါသလား။
ပြန်လည်ဆန်းစစ်ကြည့်ရန် အရေးကြီးလှသည်။ အဘယ်ကြောင့်ဆိုသော် ကျွန်ုပ်တို့ တစ်ဦးစီ ပြုမူလုပ်ဆောင်သမျှ
အရာအားလုံးကို ဘုရားသခင်ရှေ့တော်၌ တစ်နေ့ပြန်လည် ရှင်းလင်းတင်ပြရလိမ့်မည်။
အလားတူ ကျွန်ုပ်တို့၏ ခြေချောင်း(၅)ချောင်းများ ဘယ်နေရာသို့ သွားတတ်ကြပါသလဲ။
ဘုရားသခင်အလိုတော်ရှိသည့်နေရာသို့သာ သွားပါသလား။ ဆက်လက် မေးကြည့်ကြစို့။
ကျွန်ုပ်တို့၏ အာရုံငါးပါးကို ဘုရားသခင်၏ အမှုတော်ဆောင်ရာ၌ အသုံးပြုပါသလား။ ကျွန်ုပ် တို့၏ ခြေ လက်
အင်္ဂါကို မဆိုထားနှင့်။ အတွေးအခေါ် တစ်ခုတည်းကပင် ပညတ်တရားရှိသမျှကို ချိုးဖေါက်နေသည့် မဟုတ်ပါလော။
တကယ်တမ်းပြောရလျှင် အဘယ်လူသားတစ်ဦးမျှ ဘုရားသခင် သတ်မှတ်ထားသော စံနှုန်းမီအောင်
အသက်မရှင်နိုင်ကြပါ။
ထို့ကြောင့် ကျွန်ုပ်တို့၏ အသက်ရှင်မှု တစ်ခုစီနှင့်ပတ်သက်၍ ဘုရားသခင်ထံ ပြန်လည်တင် ပြရသော
တရားစီရင်ရာနေ့တွင် ဆုံးရှုံးခြင်းသို့ ရောက်ကြလိမ့်မည်။ ဤသမ္မာတရားကို ၀န်ခံ သူတိုင်းသည် ယခုအချိန်မီ
ဘုရားသခင်၏ ယဇ်ပလ္လင်(၀ါ) ကားတိုင်သို့ ချဉ်းကပ်အားကိုးကြရမည်။ ယေရှုခရစ်သည် ဤလောက၌
လူသားတစ်ဦးအဖြစ် အသက်ရှင်ခဲ့စဉ်က ပညတ်တော်အားလုံးကို ကျင့်ဆောင်ပြည့်စုံသော လူသားအဖြစ်
အသက်ရှင်ခဲ့သည်။ ယေရှုခရစ် ကားစင်တင်သတ်ခြင်း ခံရ သည့်အကြောင်းကို ပြန်ဆန်းစစ်ကြည့်သော် ကိုယ်တော်ရှင်
တစ်ပါးတည်းသာ သန့်ရှင်းစုံလင် သော ပူဇော်သက္ကာအဖြစ် ဘုရားသခင်ထံ ဆက်သနိုင်၍ ကျွန်ုပ်တို့အား ရွေးနှုတ်ခြင်းနှင့်
ရန်ငြိမ်း ခြင်းအမှုကို ဆောင်ရွက်ပေးနိုင်သည့် အရည်အချင်းရှိသည်။
ယဇ်ပလ္လင်၌ အနားလေးဘက်ရှိသည်။ နံပါတ်(၄) ဂဏာန်းသည် ကမ္ဘာတစ်ဝန်းလုံးနှင့် စပ် ဆိုင်သော
ဂဏာန်းဖြစ်သည်။ ထိုသို့ဆိုရခြင်းမှာ ကမ္ဘာပေါ်၌ ရာသီဥတု လေးမျိုးရှိသကဲ့သို့ အရပ် လေးမျက်နှာရှိသည်။ (ယေဇ၊ ၂၉း၉)
(ဟေရှာ၊ ၁၁း၁၂)။ ရာသီဥတု(၄)မျိုးနှင့် အရပ်(၄)မျက်နှာဟူသည်မှာ တစ်ကမ္ဘာလုံးနှင့် သက်ဆိုင်လျက်ရှိသည်။
တဲတော်ဝင်းတံခါးကို အရောင်(၄)မျိုးဖြင့် ယက်လုပ် ထားခြင်းနှင့် လောကီသားအပေါင်းတို့အတွက် ကြွလာခဲ့သော
အရှင်ယေရှုအကြောင်းကို ရေးသား တင်ဆက်ထားသည့် ခရစ်ဝင်ကျမ်း(၄)ကျမ်းတို့၏ အဓိကဆိုလိုရင်းမှာ
ကမ္ဘာသူကမ္ဘာသားအားလုံး နှင့် ပတ်သက်ရည်ညွှန်းလျက်ရှိသည်။
“ကိုယ်တော်သည် လူအပေါင်းတို့ကို ရွေးအံ့သောငှာ ကိုယ့်ကိုစွန့်တော်မူပြီ (၁ တိ၊ ၂း၆)” ဟူသော
ကျမ်းစကားသည် ကမ္ဘာပေါ်ရှိ လူသားအားလုံးနှင့် သက်ဆိုင်နေသဖြင့် ကယ်တင်ခြင်း ခံစားလိုသူတိုင်း
ကယ်တင်ခြင်းခံစားနိုင်ခွင့်ရှိလေပြီ။
စာဖတ်သူ ချစ်မိတ်ဆွေ
အပြစ်ဝန်ထုပ်ပိနေခြင်းမှ လွတ်မြောက်လိုပါသလား။`
အသွေးတော်၌ လွတ်မြောက်စေနိုင်သော တန်ခိုးရှိပါသည်။
စာတန်မာရ်နတ်၏ တိုက်ခိုက်ခြင်းကို အောင်မြင်လိုပါသလား။
အသွေးတော်၌ အံ့သြဖွယ် တန်ခိုးရှိပါသည်။
မိုးပွင့်ထက်သာ၍ ဖြူစင်လိုပါသလား။
အသွေးတော်၌ ဖြူစင်စေနိုင်သော တန်ခိုးရှိပါသည်။
ကရာနီတောင်ကုန်းသို့ လာရောက်၍ အပြစ်ဆေးကြောခြင်း ခံလိုပါသလား။
အသွေးတော်၌ အံ့သြဖွယ် တန်ခိုးရှိပါသည်။
ယဇ်ပလ္လင်၏အမြင့်မှာ (၃)တောင်ရှိသည်။ ထာဝရဘုရားသခင်သည် ခမည်းတော်သားတော် နှင့်
သန့်ရှင်းသောဝိညာဉ်တော် တည်းဟူသော ပုဂ္ဂိုလ်(၃)ပါး ဖြစ်ကြောင်း ကျွန်ုပ်တို့သိခဲ့ပြီးဖြစ် သည်။ ယဇ်ပလ္လင်၌
ရန်ငြိမ်းခြင်းအမှု ပြီးမြောက်စေရာတွင် ဤပုဂ္ဂိုလ်(၃)ပါးလုံး ပါဝင်လုပ်ဆောင် ကြသလောဟုမေးလျှင် (၃)ပါးလုံး
ပါဝင်လုပ်ဆောင်ကြသည်ဟု ဖြေရမည်။
ဤစကားသည် သစ္စာစကားဖြစ်၏။ လူကိုကယ်တင်သောအမှု၌ ထာဝရဘုရားသခင်ဖြစ် တော်မူသော
ပုဂ္ဂိုလ်(၃)ပါးလုံး အကြွင်းမဲ့ပါဝင်ပတ်သက်လျှက် ရှိသည်။
ခမည်းတော်ဘုရားသည် အပြစ်သားများကို ကယ်တင်ရန် သားတော်အား ဤလောကသို့ စေလွှတ်တော်မူ၏
(၁ယော၊ ၄း၁၄)။ သားတော်သည် ကျွန်ုပ်တို့ကိုယ်စား အသေခံလျက်အပြစ်ကြွေး ပေးဆပ်တော်မူ၏ (ဂလ၊ ၂း၂၀)။
သားတော်သည် ထာဝရ၀ိညာဉ်တော်အားဖြင့် ဘုရားသခင်ရှေ့၌ မိမိ ကိုယ်ကို တင်လှူပူဇော်တော်မူ၏ (ဟေဗြဲ ၉း၁၄)။
နောက်ဆုံးကျမ်းပိုဒ်တွင် သားတော်ယေရှုခရစ်သည် ပကတိအပြစ်ကင်းစင်သော မိမိကိုယ်ခန္ဓာကို
ခမည်းတော်ဘုရားထံသို့ ထာဝရ၀ိညာဉ်တော်အားဖြင့် ဆက်ကပ်ပူဇော်ခဲ့ သည်ဟု ဖော်ပြထားသဖြင့်
လူကိုကယ်တင်သောအမှု၌ ပုဂ္ဂိုလ်(၃)ပါးလုံး အစုံအလင်ပါဝင်လျက်ရှိ ကြောင်း ထင်ရှားစွာ တွေ့မြင်ရ၏။
ယဇ်ပလ္လင် တည်ဆောက်ပုံ
သစ်သား
ယဇ်ပလ္လင်ကို အကာရှသစ်သားဖြင့် တည်ဆောက်ထား၏။ ဤအကြောင်းအရာသည် လေး နက်သော
အဓိပ္ပါယ်တစ်ရပ်ကို ဖော်ဆောင်နေ၏။ အကာရှပင်သည် နန်းလုံးကြိုင်နှင့် အလား သဏ္ဍာန်တူ၍
သဲကန္တာရထဲတွင်ပေါက်သော ရှားထနောင်းပင်တစ်မျိုးဖြစ်သည်။ မြေပေါ်တွင် ပေါက် ဖွားကြီးရင့်လာသော
အကာရှပင်သည် အရှင်ယေရှု၏ အပြစ်ကင်းစင်သည့် လူ့ဇာတိကို သရုပ် ဆောင်၏။ အဘယ့်ကြောင့်ဆိုသော်
အရှင်ယေရှုသည် “အညွန့်ကဲ့သို့လည်းကောင်း သွေ့ခြောက် သောမြေ၌ ပေါက်သောအတက်ကဲ့သို့လည်းကောင်း၊
ဘုရားသခင်ရှေ့တော်၌ ကြီးပွား၏” (ဟေရှာ၊ ၅၃း၂။ ၁၁း၁) ဟု သမ္မာကျမ်း၌ ဖော်ပြထားသည်။ ၄င်းပြင် အရှင်ယေရှုအား
လူမိန်းမမှ ဖွားမြင့်လာသူ ဖြစ်ကြောင်း (ဂလ ၄း၎)၌ ဖတ်ရှုရပြီး (ဟေရှာ ၄း၂)တွင်မူ “မြေ၏ အသီးအနှံ”ဟု
ခေါ်ဆိုထားလေသည်။
ဘုရားသခင်၏ သားတော်ယေရှုခရစ်သည် မှန်သောဘုရားသခင်ဖြစ်သကဲ့သို့ ထာဝရ အသက်လည်းဖြစ်သည်။
(၁ယော ၅း၂၀)။ ဤအချက်ကို ကျွန်ုပ်တို့စိတ်နှလုံးထဲ၌ အစဉ်နှလုံးသွင်း ထားရပေမည်။ ကိုယ်တော်ရှင်သည် မနေ့၊ ယနေ့၊
နောင်ကာလ မပြောင်းလဲသောဘုရား၊ ထာဝရ ကာလတိုင်အောင် တည်တံ့နေမည့် ဘုရားဖြစ်ကြောင်း နှုတ်ကပတ်တော်၌
ဖွင့်ပြထားသည်။
သို့ဖြစ်ပါလျက် အနန္တတန်ခိုးရှင်၊ ဖန်ဆင်းရှင်ဘုရားသခင်သည် အဘယ်အကြောင်းကြောင့် မိမိကိုယ်ကို
နှိမ့်ချလျက် ဤလောကသို့ ကြွဆင်းလာခဲ့ရသနည်း။
အကြောင်းရင်းမှာ လူသားများ၏အပြစ်ကို ဖြေလွှတ်နိုင်ရန် ကိုယ်တော်တိုင် ဝေဒနာခံ၍ ကိုယ်စား
အသေခံတော်မူမည့် အကြောင်းတည်း (ဟေဗြဲ ၂း၁၇)။
ကိုယ်တော်ရှင်သည် ဘုရားစင်စစ်ဖြစ်လျက်နှင့် သေဆုံးနိုင်သလော။
မသေဆုံး နိုင်ပါ။
လုံးဝ မသေဆုံးနိုင်ပါ။
ကျွန်ုပ်တို့ အပြစ်သားများ ကိုယ်စား ဘုရားသခင်၏ တရားစီရင်ခြင်းကို ခံယူဖို့ လူ့ဇာတိသေ နိုင်သော
လူ့ခန္ဓာခံယူရန် လိုအပ်သည်။ ထို့ကြောင့် ကိုယ်တော်ရှင်သည် ကျွန်ုပ်တို့နည်းတူ အသွေး အသားဖြင့် ဖွဲ့စည်းထားသော
လူ့ဇာတိခံယူခဲ့ရသည်။ ထူးခြားချက်တစ်ခုမှာ ကိုယ်တော်သည် မိမိ ညီအစ်ကို (အပြစ်သား ကျွန်ုပ်တို့လူသား)များနှင့်
အစစအရာရာ၌ တူညီမှုရှိသော်လည်း အပြစ် တစ်ခုကိုမျှ ကျူးလွန်ခြင်းမရှိခဲ့ပေ။ အပြစ်ပကတိ ကင်းစင်သော
လူသားဖြစ်သည်။ ထို့ကြောင့် လူ(အပြစ်သား)အပေါင်းတို့၏ အပြစ်ဖြေလွှတ်ခြင်းအမှုကို ကိုယ်တိုင်အစားထိုး
ဖြေရှင်းနိုင်ခြင်း ဖြစ် သည်။
အချုပ်ဆိုရသော် ယဇ်ပလ္လင်မှ အကာရှသစ်သားသည် လက်ဝါးကပ်တိုင်ထက်တွင် အသေခံ တော်မူသော
ယေရှုခရစ်၏ လူ့ဇာတိကို အဓိကရည်ညွှန်းပြောကြားနေခြင်းဖြစ်သည်။ (၂ကော။ ၁၃း၎)။
ကြေးဝါ
သစ်သားဖြင့် တည်ဆောက်ထားသော ယဇ်ပလ္လင်ကို ကြေးဝါဖြင့် ထပ်မံဖုံးအုပ်ထားသဖြင့် ယဇ်ပလ္လင်သည်
နေရောင်အောက်တွင် တဖိတ်ဖိတ် တလက်လက် တောက်ပလျှက်ရှိသည်။ သစ် သားကို ကြေးဝါဖြင့်
ဖုံးအုပ်ထားခြင်းကြောင့် ယဇ်ပူဇော်သောအခါတွင် သစ်သားကို မီးမလောင်နိုင် ချေ။ ကြေးဝါသည် အစွမ်းတန်ခိုး
(Power)ကို ပုံဆောင်၏ (ယောဘ ၄၀း၁၈)။
“အစွမ်းတန်ခိုး”ဟုဆိုရာ၌ ဘုရားသခင်၏ အမျက်တော်မီးတည်းဟူသော တရားစီရင်ခြင်း ဒဏ်
ခံနိုင်သည့်စွမ်းရည်ကို ဆိုလိုခြင်းဖြစ်သည်။ ဤအချက်ကို (တော ၁၆) ရှိ ပုန်ကန်မှုကြီးက သက် သေထူနေ၏။
ဘုရားသခင် အထံတော်သို့ အလိုနှင့်မညီသော နည်းလမ်းဖြင့် နံ့သာပေါင်း မီးရှို့ ပူဇော်ကြသော ပုန်ကန်သူ (၂၅၀)အား
ဘုရားသခင်၏ အမျက်တော်မီး (ငယ် ၃၅-၃၉) ကျလောင်ကျွမ်း သည့်အခါ ထိုသူတို့၏လက်တွင် ကိုင်ဆောင်ထားသော
ကြေးဝါလင်ပန်းများ မီးဒဏ်သင့်ခဲ့သော် လည်း ပျက်စီးလောင်ကျွမ်းသွားခြင်း မရှိချေ။
မီးဒဏ်ကြောင့် လူပေါင်း(၂၅)လုံး သေဆုံးသွားသော်လည်း ကြေးဝါလင်ပန်းများတွင်မူ ခြစ် ရာ ပွန်းရာ တစ်ခုမျှပင်
မထင်ခဲ့ပေ။ အဘယ့်ကြောင့်ဆိုသော ကြေးဝါလင်ပန်း၌ ဘုရားသခင်၏ အမျက်တော် မီးဒဏ်ကို ခံနိုင်သောစွမ်းရည်
ရှိခြင်းကြောင့် မပျက်စီးဘဲ ဆက်လက်တည်မြဲနေရ ခြင်းဖြစ်သည်။ ယဇ်ပလ္လင်ကို တည်ဆောက်ရာတွင်
အဆိုပါကြေးဝါလင်ပန်းဖြင့် ဖုံးအုပ်မွမ်းမံ တည် ဆောက်ခဲ့ခြင်း ဖြစ်သည်။
ဘုရားသခင်၏ ကြောက်မက်ဖွယ် တရားစီရင်ခြင်းအောက်တွင် အဘယ်သူခံရပ်နိုင်သနည်း။
သန့်ရှင်းမြင့်မြတ်၍ ဖြောင့်မတ်တော်မူသော သားတော် အရှင်ယေရှုမှတစ်ပါး အဘယ် လူသား
အဘယ်ကောင်းကင်တမန်မျှ တရားစီရင်ခြင်းကို မခံရပ်နိုင်ပါ။
ကိုယ်တော်ရှင်သည် အတုမဲ့လူသား ဖြစ်သကဲ့သို့ အံ့ဖွယ်ကယ်တင်ရှင်လည်းဖြစ်ပါတကား။ ဘုရား၏
တရားစီရင်ခြင်းဒဏ် (အမျက်တော်မီး)ကို ခံနိုင်စွမ်းရှိသည့် ကြေးဝါနှင့်အလားသဏ္ဍာန်တူ သော
ဘုရားလည်းဖြစ်တော်မူ၏။ ကိုယ်တော်တစ်ပါးတည်းသာ ခမည်းတော်ဘုရား နှစ်သက်သော ယဇ်ကို ပူဇော်ဆက်သနိုင်၏။
နှစ်ပေါင်းလေးထောင်ကြာ လူသားတို့မျှော်လင့် စောင့်စားခဲ့ကြသော ရွေးနှုတ်ကယ်တင်ခြင်းအမှုကို အရှင်ယေရှုသာလျှင်
ပြီးပြည့်စုံအောင် ဆောင်ရွက်နိုင်စွမ်းရှိသည့် တစ်ပါးတည်းသော ဘုရားသခင်ပေတည်း။
အပါယ်ငရဲ၌ လမ်းဆုံးရမည့် အပြစ်သားများကို ကိုယ်တော်သည် ဘုရားသခင် အထံတော် သို့
ပြန်လည်ပို့ဆောင်ပေးခဲ့ရုံသာမက အပြစ်သားများကို သန့်ရှင်းစင်ကြယ်စေပြီး နဂိုဖန်ဆင်းစ အခြေအနေသို့
ပြန်လည်ရောက်ရှိစေခဲ့သည်။
ကြေးဝါဖြင့် လေလုံအောင် မွမ်းမံဖုံးအုပ်ထားသော သစ်သားတံခါးတစ်ချပ်သည် မီးဒဏ်ကို အပြည့်အ၀
ခံနိုင်စွမ်းရှိကြောင်း လွန်ခဲ့သည့် နှစ်အနည်းငယ်က သိပ္ပံပညာရှင်များ စမ်းသပ်ပြသခဲ့ ကြသည်။ အဆိုပါစမ်းသပ်မှုကို
လန်ဒန်မြို့ မီးသတ်ဌာနက သေချာစွာ စစ်ဆေးပြီးနောက် မှန်ကန် ကြောင်း အတည်ပြု ထောက်ခံခဲ့သည်။
မီးဒဏ်အမျိုးမျိုးကို ကြေးဝါတံခါး ခံနိုင်စွမ်းရည်ရှိကြောင်းကို ထောက်လျှင် သမ္မာကျမ်းသည် သိပံ္ပပညာထက်
ခေတ်ရှေ့ပြေးရုံမက တိကျမှန်ကန်မှုရှိကြောင်း သက်သေထင်ရှား ပြနေသည်။
ဇကာ၊ မီးတောက်မီးလျှံနှင့် ယဇ်ပလ္လင် ဦးချို
ယဇ်ပလ္လင်ထက်မှ မီးတောက်မီးလျှံသည် တရှဲရှဲအော်မြည်ကာ အရှိန်ပြင်းစွာ လောင်ကျွမ်း နေ၏။
ယဇ်ပလ္လင်၏အတွင်းဘက် အလယ်တွင် ဇကာတစ်ချပ်ကို တပ်ဆင်ထားပြီး ဇကာပေါ်တွင် ထင်းများကို
တင်ထားလေသည်။ ထာဝရဘုရားထံတော်မှ မီးထွက်၍ ယဇ်ပလ္လင်ပေါ်ရှိ ယဇ်ကောင် ကို လောင်ကျွမ်းလေသည်။ (၀တ်
၉း၂၄)။
ယဇ်ပုရောဟိတ်ကြီးက မီးလျှံတငြီးငြီး တောက်လောင်နေသော မီးပုံထဲသို့ သိုးလေးကို
ထည့်သွင်းပူဇော်လိုက်သောအခါတွင် ဣသရေလ လူသည် ထပ်မံ၍ ထိတ်လန့်တုန်လှုပ်သွား၏။
အလွန်ကြောက်မက်ဖွယ်ရာ မီးတောက်ပါတကား။
ဟုတ်ပေသည်။ ကျွန်ုပ်တို့ ဘုရားသခင်သည် လောင်သောမီးဖြစ်တော်မူ၏။ (ဟေဗြဲ ၁၂း၂၉)။
ဣသရေလလူသည် မီးတောက်မီးလျှံအတွင်းမှ သိုးလေးကိုကြည့်လျှက် “သြော်”အပြစ်ကင်း တဲ့သိုးလေးတော့
ငါ့ကိုယ်စား အသေခံပြီး မီးလောင်သွားရှာပါလား။ တကယ်တော့ ငရဲမှာ ငါ လောင်ကျွမ်းခံရမှာ ပါလားဟု တွေးမိပြီး ပြင်းစွာ
စိတ်ထိခိုက်သွားလေသည်။
အလားတူ ကျွန်ုပ်တို့အပြစ်သား ရှိသမျှသည် သေဒဏ်ခံထိုက်သော သူများဖြစ်ကြသော် လည်း
အပြစ်ကင်းစင်သည့် သိုးသငယ် ယေရှုခရစ်သည် ကျွန်ုပ်တို့ ကိုယ်စား ဘုရားသခင်၏ အမျက်တော် မီးဒဏ်ကို
ခံခဲ့ရလေသည်။ ဤအမှုကို တွေးဆကြည့်လျှင် အဘယ်မျှ ရင်နင့်ဖွယ် ကောင်းလှသနည်း။
ယေရှုခရစ်သည် ကျွန်ုပ်တို့ကိုယ်စား အပြစ်သားအဖြစ် ခံယူလျက် ဘုရားသခင်၏ သေဒဏ် စီရင်ခြင်းခံခဲ့သဖြင့်
ကျွန်ုပ်တို့သည် ဘုရားသခင်ရှေ့တော်၌ ဖြောင့်မတ်သောသူအဖြစ် အသိအမှတ် ပြုခြင်း ခံရလေပြီ (၂ကော၊ ၅း၂၁)။
ကိုယ်တော်သည် ကြောက်မက်ဖွယ်ရာ အမှောင်ထုကြီးအတွင်း (၃)နာရီတိုင်တိုင် ဘုရား သခင်၏
စွန့်ပစ်ခြင်းခံခဲ့ရရှာသည်။ (မ၊ ၂၇း၄၆)။ ဤအကြောင်းအရာကို ဆင်ခြင်ရန်၊ ကျေးဇူးတော် ချီးမွမ်းရန်နှင့် ငြိမ်ဝပ်စွာ
ကိုးကွယ်ဝတ်ပြုရန် အသင့်တော်ဆုံးနေရာမှာ ကားတိုင်ခြေရင်းမှ တစ်ပါး အခြားနေရာ မရှိတော့ချေ။
ဤမျှ ကြီးမားသော ချစ်ခြင်းမေတ္တာဖြင့် မိမိအတွက် အသေခံခဲ့သည့် ယေရှုခရစ်ကို ငြင်းပယ် သူတို့အဖို့
နောက်တစ်ကြိမ်ထပ်မံ၍ သနားခြင်းကရုဏာခံစားရန် အကြောင်းမရှိတော့ချေ။ ယေရှု ခရစ် ဆက်သပူဇော်ခဲ့သည့်
အပြစ်ဖြေရာ ယဇ်ကို လက်မခံသူတို့အဖို့ ငရဲမီးအိုင်၌ ဒုက္ခဝေဒနာ ထာဝရခံစားရုံမှလွဲ၍ အခြားလမ်းမရှိတော့ပေ။
ထို ဣသရေလ လူသည် ခြေလှမ်းအနည်းငယ် နောက်ဆုတ်လိုက်သည်နှင့် အံ့သြဖွယ်ရာ မြင်ကွင်းတစ်ခုကို
ထပ်မံမြင်တွေ့ရပြန်သည်။ ကြေးဝါယဇ်ပလ္လင်ကြီးအထက်ရှိ မီးတောက်မီးလျှံများ မှာ တောက်ပလောင်ကျွမ်းလျက်ရှိရာ
မီးခိုးများသည်လည်း ကောင်းကင်ယံသို့ တလူလူလွှင့်တက် နေသည်။ ယဇ်ပလ္လင်၏ ထောင့်(၄)ထောင့်မှ
သွေးအလိမ်းလိမ်းပေကျံနေသော ဦးချို(၄)ချောင်း တို့ သည် ဘုရားသခင်အထံထော်သို့ လက်မြှောက်၍
ကိုးကွယ်ရှိခိုးနေဟန်ရှိပြီး ယဇ်ပလ္လင်မူကား ဘုရားသခင် အထံတော်သို့ ပူဇော်သက္ကာယဇ်ကို ဆက်သလျက်ရှိသည်။
ဦးချိုသည် ကယ်တင်ခြင်း၊ လုံခြုံခြင်း (သို့မဟုတ်) ကွယ်ကာမှုပေးခြင်းတို့၏ ခွန်အားဗလ အဖြစ်
ပုံဆောင်ထားသည်။ ဟန္န၏အသက်တာတွင် ဘုရားသခင်ထံမှ အောင်မြင်ခြင်းခံစားရသော အခါ “ရှင်ဘုရင်ကို
ခွန်အားနှင့်ပြည့်စုံစေ၍ အထံတော် (ဦးချို)၌ ဘိသိတ်ခံသောသူကို ချီးမြှောက် တော်မူမည်” ဟု မြွက်ဆိုခဲ့သည်။ (၁ရာ၊
၂း၂၁)။
၎င်းအပြင် ဘေးကင်းခြင်း (၀ါ) လုံခြုံစိတ်ချမှု ရခြင်းတို့ကို ပုံဆောင်ထားသေးသည်။ ဓမ္မဟောင်းကာလက
အသက်အန္တရာယ်မှ လွတ်ကင်းလိုသူတို့သည် ယဇ်ပလ္လင်၏ ဦးချိုကို ဆုပ်ကိုင်ကြောင်း (၃ရာ၊ ၁း၅၀၊ ၂း၂၀-၂၉)တွင်
ဖတ်ရှုရသည်။
ယဇ်ပူဇော်ပသရာ ယဇ်ပလ္လင်သည် အရှင်ယေရှုကို ပုံဆောင်နေသည်။ အဘယ့်ကြောင့်ဆို သော် ယဇ်ပလ္လင်သည်
ပူဇော်သက္ကာရ ယဇ်ကောင်ကို ဘုရားသခင်အထံတော်သို့ ဆက်သပေး သကဲ့သို့ ယေရှုခရစ်သည် မိမိကိုယ်ကို
ပူဇော်သက္ကယဇ်အဖြစ် ဘုရားသခင် ထံတော်သို့ ဆက်သံခဲ့ သည်။ အံ့ဖွယ်လူသား ယေရှုခရစ်သည် ယဇ်ပလ္လင်အဖြစ်
ခံယူလျှက် မိမိကိုယ်ကို ဆက်သပူဇော်ခဲ့ ခြင်းကြောင့် ပူဇော်သက္ကာမှာသာ၍ တန်ဖိုးမြင့်မားလာရသည်။ ယဇ်ပလ္လင်သည်
ပူဇော်သက္ကာကို သန့်ရှင်းစေသဖြင့် ပူဇော်သက္ကာထက် ယဇ်ပလ္လင်ကသာ၍ မြတ်ကြောင်း ကျွန်ုပ်တို့ သတိပြုရ ပေမည်။ (မ၊
၂၃း၁၉)။
ဓမ္မသစ်ကာလ၌ ကားတိုင်၏လုပ်ဆောင်ချက်သည် အပြစ်သားများကို ကယ်တင်ရုံသာမက သားတော်ယေရှုကို
ခမည်းတော်ထံသို့ ပူဇော်ဆက်သခဲ့သေးသည်။ သားတော်သည် ကျွန်ုပ်တို့ အတွက် မိမိကိုယ်ကို မပေးအပ်မီ ပထမဦးစွာ
ဘုရားသခင်အထံတော်သို့ ဆက်ကပ်အပ်နှံခဲ့သည်။ လူတို့၏ အပြစ်ဒုစရိုက်က ဘုရားသခင်၏ ဂုဏ်အသရေကို
ညိုးနွမ်းစေခဲ့သော်လည်း သားတော်မူ ကား ဘုရားသခင်၏ ဘုန်းတော်ကို ပြန်လည်ထွန်းတောက်စေ၏။ ဘုရားရှင်၏
ဘုန်းတော်အတွက် သားတော်သည် အသေခံသည့်တိုင်အောင် နာခံဆက်ကပ်ခဲ့သည်။ ဘုရားသခင်သည် သန့်ရှင်း
ဖြောင့်မတ်သော ဘုရားဖြစ်သည့်အလျှောက် တစ်လောကလုံး၏ အပြစ်ကို ယူတင်လိုက်သည့် သားတော်ယေရှုအား
မျက်နှာလွှဲလိုက်သည်။ သို့သော်လည်း သားတော်အပေါ်တွင် ချစ်ခြင်းမေတ္တာ ပြည့်ဝလျက်ပင် ရှိတော်မူ၏။
သားတော်သည် ထိုအဖြစ်ကို ကြိုတင်သိမြင်၍ “ငါသည် ကိုယ့်အသက်ကိုစွန့်၍ . . ငါ့ခမည်း တော်သည် ငါ့ကို
ချစ်တော်မူ၏” ဟု မိန့်တော်မူခဲ့၏။ (ယော၊ ၁၀း၁၇)။
ခရစ်တော်သည် အလုံးစုံတို့၌ အလုံးစုံဖြစ်တော်မူ၏ (ကော၊ ၃း၁၁)။ ယဇ်ပလ္လင် ဖြစ်သကဲ့သို့ ပူ
ဇော်သက္ကာယဇ်လည်း ဖြစ်သည်။ ထို့ပြင် ပူဇော်သက္ကာကို ဘုရားသခင် အထံတော်သို့ မီးရှို့ပူဇော် ဆက်သပေးသော
ယဇ်ပုရောဟိတ်လည်းဖြစ်သည်။
ယဇ်ပူဇော်ပြီးသွားသော ဣသရေလ လူသည် သက်ပြင်းရှည်တစ်ချက်ကို ချလိုက်ပြီး စိတ်
လက်ပေါ့ပါးသွားလေသည်။ သူ၏အပြစ်ရှိသမျှ ဖြေလွှတ်ခြင်းခံရပြီးဖြစ်၍ ယခုသူသွားလိုရာသို့ လွတ်လပ်စွာ သွားနိုင်ပြီ။
မသွားမီသူသိလိုသည့် အရာများကို ယဇ်ပုရောဟိတ်ထံ မေးကြည့်မိ သည်။
“တကယ်လို့ ကျွန်တော် မတော်တဆ အပြစ်ထပ်လုပ်မိရင် ဘယ်လိုလုပ်ရမှာလဲ”
ယဇ်ပုရောဟိတ်က “အဲဒီအခါကျရင် တစ်ကောင်၊ ဒါမှမဟုတ် သိုးတစ်ကောင်ယူလာပြီး ယဇ် ပူဇော်ရမယ်” ဟု
ဖြေ၏။
တဖန် “နောက်တစ်ခါ အပြစ်ထပ်လုပ်မိရင်ကော”ဟု ဣသရေလ လူက ဆက်မေးလိုက်၏။
“အပြစ်ထပ်လုပ်မိရင် ပူဇော်သက္ကာ သိုးတစ်ကောင် ထပ်ယူလာရဦးမှာပေါ့။ ငါ့အလုပ်က ဘယ်တော့မှ
မဆုံးနိုင်ဘူး။ ဒီမှာ အမြဲရှိနေမှာပါ . . ဒီနေရာမှာ ထိုင်စရာ ခုံလုံးဝမရှိတာ မင်း သတိ ထားမိမှာပေါ့” ဟုဖြေသည်။
ယဇ်ပုရောဟိတ် ပြောစကားသည် အမှန်ဖြစ်၏။ တဲတော်ဝင်းအတွင်း၌ဖြစ်စေ၊ တဲတော် အတွင်း၌ဖြစ်စေ၊
ထိုင်စရာခုံ လုံးဝမရှိချေ။ ဤနေရာ၌ ထိုင်ခွင့်သို့မဟုတ် အနားယူခွင့် လုံးဝမရှိပါ။
“ဘယ်အချိန်ပဲဖြစ်ဖြစ်၊ ကျွန်တော့်မှာ ထိုင်နေခွင့် နားနေခွင့်မရှိဘူး။ ဘာကြောင့်လဲဆိုရင် ကျွန်တော့်အလုပ်ဟာ
ဘယ်တော့မှ မဆုံးနိုင်လို့ပ”ဲ ဟု ယဇ်ပုရောဟိတ်ကြီးက ဆက်ရှင်းပြလေ၏။ (ဟေဗြဲ ၁၀း၁၁)၌ “ယဇ်ပုရောဟိတ်
မည်သည်ကား နေ့တိုင်းဝတ်ပြုလျက် အပြစ်မဖြေနိုင်သော ယဇ်ကို အထပ်အထပ်အဖန်ဖန် ပူဇော်လျက် ရပ်နေရ၏” ဟု
ဖော်ပြထားသည်။
ယဇ်ပုရောဟိတ်ကြီးသည် အမှုတော်ဆောင်ရွက်ရာ တဲတော်အတွင်း၌ အဘယ့်ကြောင့် ထိုင်ခွင့်မရသနည်း။
အကြောင်းမှာ ကားတိုင်တရား မပေါ်ထွန်းသေးသည့် ဓမ္မဟောင်းကာလတွင် အသက်ရှင်နေ
ရခြင်းကြောင့်ဖြစ်သည်။ ဆိုလိုသည်ကား ရွေးနှုတ်ကယ်တင်ခြင်း အမှုကြီး မပြီးစီးသေး၍ နားပိုင်ခွင့် မရှိသေးချေ။
ဓမ္မဟောင်းကာလ၌ မရေမတွက်နိုင်လောက်အောင် များပြားလှသော ယဇ်ကောင်များကို ယဇ်ပူဇော်ခဲ့ကြသည်။
ရှောလမုန်မင်းကြီး တည်ဆောက်သည့် ဗိမာန်တော်ဆက်ကပ် အနုမောဒနာ ပြုပွဲတစ်ခု၌ပင် နွားကောင်ရေ (၂၂,၀၀၀)နှင့်
သိုးကောင်ရေ (၁၂,၀၀၀၀)ကိုသတ်၍ ယဇ်ပူဇော်ခဲ့ကြ သည်။ (၃ ရာ၊ ၈း၆၃)။ သို့သော် ထိုမျှ များပြားသည့် တိရစ္ဆာန်
ယဇ်ကောင်များ၏ အသွေးက အပြစ် ဒုစရိုက်ကို မဖယ်ရှားပေးနိုင်ချေ။ အကြောင်းမူကား နွား အသွေး၊ ဆိတ် အသွေးသည်
အပြစ်ကို မဖယ်ရှားနိုင်ဟု သမ္မာကျမ်း၌ သတိပေးထားပါသည်။ (ဟေဗြဲ ၁၀း၎)။
မည်သို့ဆိုစေကာမူ ပဋိညာဉ်တရားဟောင်း လက်ထက်တွင် ယာယီအပြစ်ခငွ့်လွှတ်ခြင်း ခံ စားရကြောင်း
အထက်ပါ ဣသရေလလူ၏ အဖြစ်အပျက်ကို ကြည့်ခြင်းဖြင့် သိနိုင်သည်။ “အပြစ်မှ လွတ်ခြင်း၊ ဒုစရိုက်အပြစ်ကို
ဖုံးအုပ်ခြင်းသို့ ရောက်သောသူသည် မင်္ဂလာရှိ၏” ဟု (ဆာလံ ၃၂) တွင် ဒါဝိဒ်မင်းကြီး သိချင်းစပ်ဆိုထားသည်
မဟုတ်ပါလော။
ထိုအချိန်က ခွင့်လွှတ်ခြင်းသည်
(၁) ခေတ္တခဏသာဖြစ်၍ နောက်တစ်ကြိမ် အပြစ်ထပ်လုပ်မိလျှင် အသစ်သော ပူဇော်သက္ကာကို ထပ်မံ
ယူဆောင်လာရသည်။
(၂) ဓမ္မဟောင်းခေတ်က ပူဇော်ဆက်သသော ယဇ်များသည် ကားတိုင်ပေါ်တွင် တစ်ကြိမ်တည်း အသေသတ်
ပူဇော်ခြင်းခံရမည့် စစ်မှန်သည့် ဘုရားသခင်၏ သိုးသငယ်တော်ကို ယုံကြည် မျှော်ကြည့်ရန်ဖြစ်သည်။ (ရော၊
၃း၂၆)။
ထို့ကြောင့် ထိုင်နေခြင်း ရပ်နားခြင်း၊ အဆုံးသတ်ခြင်း အလျှင်းမရှိ။ အထပ်ထပ်အခါခါ ပူဇော် နေရသော
ပူဇော်သက္ကာတို့သည် အပြစ်ကို ထာဝရမဖြေလွှတ်နိုင် (ဟေဗြဲ ၁၀း၁၁) သဖြင့် အသစ်သော ပူဇော်သက္ကာများကို အမြဲတမ်း
ယူဆောင်လာရမည်။
ဤသည်မှာ တဲတော်အတွင်း၌ ထိုင်နားစရာ နေရာလုံးဝ မရှိခြင်း၏ အကြောင်းရင်းပင် တည်း။
ဝမ်းမြောက်ခြင်းဖြင့် ကြွေးကြော်ပါ
ယခုအချိန်တွင် ကျွန်ုပ်တို့၏ ကယ်တင်ရှင်နှင့် ရွေးနှုတ်ရှင် ယေရှုခရစ်အားဖြင့် အခြေအနေ အရပ်ရပ်သည်
အလွန်ခြားနား ကွာဟခဲ့လေပြီ။ ထာဝရရွေးနှုတ်ခြင်းအတွက် ခရစ်တော်သည် မိမိ ကိုယ်ကို ဆက်ကပ်ပေးလှူခဲ့သည်
(ဟေဗြဲ၊ ၉း၁၁)။ ကိုယ်တော်သည် ကိုယ်ကို တစ်ခါတည်းပူဇော် သောအားဖြင့် အပြစ်များကို သုတ်သင်ပယ်ရှင်းခြင်းငှာ
ပေါ်ထွန်းတော်မူ၏ (ဟေဗြဲ၊ ၉း၂၆)။
ကိုယ်တော်၏ ပူဇော်သက္ကာ ဆက်ကပ်ခြင်းသည် အပြစ်ဒုစရိုက်ကို ထာဝရပယ်ရှင်းဖြေလွှတ် ခဲ့ကြောင်း
ဓမ္မသစ်ကျမ်းနှင့် တမန်တော်တို့က သက်သေခံထား၏။ ကိုယ်တော်သည် ယခုအခါ ဘုရားသခင်၏ လင်္ကျာတော်ဘက်၌
အစဉ်ထိုင်နေတော်မူ၏ (ဟေဗြဲ ၁၀း၁၂)။
ဓမ္မဟောင်းကာလနှင့် ဓမ္မသစ်ကာလတို့၏ လုပ်ဆောင်ချက်များ ခြားနားကွာဟပုံကို နှိုင်းယဉ်ကြည့်ကြဦးစို့။
စဉ် အတိတ်ဓမ္မဟောင်း ကာလ ယခု ဓမ္မသစ် ကာလ
၁။ လောကီသား ယဇ်ပုရောဟိတ် ကောင်းကင်သား ယဇ်ပုရောဟိတ်
၂။ တိရစ္ဆာန် ပူဇော်သက္ကာ။ ဘုရားသခင်၏ သိုးသူငယ်တော်(ယေရှု)
၃။ ပူဇော်သက္ကာ အမြောက်အမြား ပူဇော်သက္ကာ တစ်ခုတည်းသာ
၎။ အဖန်တလဲလဲ ပူဇော်ရသည် တစ်ကြိမ်တည်း ပူဇော်ရသည်။
၅။ ရပ်နေရသည်၊ ထိုင်ခွင့်မရှိ ထိုင် နေရသည်။
၆။ ဘယ်သောအခါမျှ မပြီးဆုံးနိုင်ပါ။ ထာဝရ ပြီးစီးသွားပြီ။
၇။ အပြစ်ကင်းစင်ခြင်း မရ အပြစ်ကင်းစင် ခွင့်လွှတ်ခြင်း ခံရသည်။
၈။ ခေတ္တခဏ (ယာယီ)ခွင့်လွှတ်ခြင်း ထာဝရ အကြွင်းမဲ့ ခွင့်လွှတ်သည်။
အကြွင်းမဲ့ နားနေခြင်း
ကားတိုင်ပေါ်တွင် (၃)နာရီကြာမျှ ဝေဒနာကိုပြင်းပြစွာ ခံစားခဲ့ပြီးနောက် “အမှုပြီးပြီ” ဟု အရှင်ယေရှု
ကြွေးကြော်ခဲ့လေသည်။ မှန်ပါသည် အပြစ်လွှတ်ခြင်းအတွက် ဘာမျှထပ်မံ လုပ် ဆောင်စရာ မလိုတော့ပါ။
အရှင်ယေရှုသည် ယခုအခါ ငြိမ်ဝပ်စွာထိုင်၍ နားနေတော်မူ၏။ ကိုယ် တော်သည် ငြိမ်ဝပ်ခြင်း ချမ်းသာထဲသို့
ဝင်ရောက်တော် မူခဲ့လေပြီ (ဟေဗြဲ ၄း၁၀)။
လောကီအပြစ်သားများ အပြစ် ခွင့်လွှတ်ခြင်းရဖို့ ဆောင်ရွက်စရာ အမှုအားလုံးကို အရှင်
ယေရှုလုပ်ဆောင်ပြီးစီးခဲ့လေပြီ။ ထပ်မံလုပ်ဆောင်စရာ ဘာမျှမရှိတော့ပါ။ သို့သော် အပြစ်သား တစ်ယောက်
အပြစ်ခွင့်လွှတ်ခြင်းရရန် ကိုယ်တော်ထံသို့ ယုံကြည်အားကိုးခြင်းဖြင့် လာဖို့လိုသည်။ ယဇ်ကောင်ပေါ်၌ လက်တင်ပြီး
(အရှင်ယေရှုကို ယုံကြည်ကိုးစားပြီး) မိမိသည် လမ်းလွဲပျောက်ဆုံး နေသော အပြစ်သားဖြစ်၍ အပြစ်ဒဏ်စီရင်ခြင်း
ခံထိုက်ကြောင်း အဖြစ်မှန်အတိုင်း ရိုးသားစွာ ၀န်ခံ လျက် အပြစ်ဝန်ချရမည်။
ဤအရာကို ပြောင်းလဲခြင်း (၀ါ) အထံတော်သို့ ပြန်လှည့်ခြင်းဟု ခေါ်၏။ ကိုယ့်အပြစ်တို့ကို ဖော်ပြတောင်းပန်လျှင်
ငါတို့အပြစ်များကိုလွှတ်၍ ဒုစရိုက်ရှိသမျှနှင့် ကင်းစင်စေခြင်းငှာ၊ ဘုရား သခင်သည် သစ္စာတရားနှင့်လည်းကောင်း၊
ဖြောင့်မတ်ခြင်းတရားနှင့်လည်းကောင်း ပြည့်စုံတော် မူ ၏” (၁ ယော ၁း၉)။
ချစ်လှစွာသော စာရှုသူသင်၌ အပြစ်ခွင့်လွှတ်ခြင်း မခံရသေးလျှင် ယခုပင် ကိုယ်တော်ရှင်ကို ယုံကြည်ပါ။
အကြွင်းမဲ့ကိုးစားပါ။ ဤမျှစုံလင်သော ရွေးနှုတ်ကယ်တင်ခြင်း အမှုအတွက် ခရစ်တော် အား ကျေးဇူးတင် ချီးမွမ်းပါ
မိတ်ဆွေ။
“ကယ်တင်ခြင်းအတွက် သင်ဘာမျှ လုပ်စရာမလိုတော့ပါ” ဟု ထာဝရဘုရား ဖိတ်ခေါ် ကြေငြာနေသည်ကို
သံသယမရှိပါနှင့် စိတ်ချယုံကြည်စွာ ချဉ်းကပ်ပါ။ ကိုယ်တော်အစပြုတော်မူ သောအမှုကို ကိုယ်တော်ပင်
ပြည့်စုံပြီးစီးစေပြီးမှ တစ်ဖန်ကြွလာတော်မူမည်။ ထို့နောက်မှ ကမ္ဘာ ကုန်ရလတံ္တ။
ချစ်မိတ်ဆေ-ွ အရှင်ယေရှုခရစ်ကို မျှော်ကြည့်ပါ။
ယုံကြည်အားကိုးလျက် အသက်ရှင်ပါ။
သင်မျှော်ကြည့် အားကိုးလိုက်သည့် တခဏချင်းတွင် ခရစ်တော်ပေးသော ထာဝရအသက် ကို ဧကန်မုချ
ပိုင်ဆိုင်ရလိမ့်မည်။ ခရစ်တော်အပြင် နောက်ထပ် မည်သူငြိမ်ဝပ်စွာ နားနေသေး သလဲ၊ သင် စဉ်းစားမိရဲ့လား။
နောက် ပုဂ္ဂိုလ်တစ်ပါးမှာ ခမည်းတော်ဘုရားပင်ဖြစ်သည်။ ကားတိုင်ထက်၌ သားတော်လုပ် ဆောင်ပြီးစီးခဲ့သော
အမှုကြောင့် ခမည်းတော်သည် အလွန်ကျေနပ်အားရကာ ငြိမ်ဝပ်စွာ နားနေ တော်မူ၏။ ခမည်းတော်ဘုရား၏ စိတ်တော်ကို
ကျေနပ်အားရစေသည့် ပူဇော်သက္ကာပေါ်တွင် သင် လည်း အကြွင်းမဲ့ ကိုးစားနိုင်ပါသည်။
တစ်နေ့သောအခါတွင် ရွေးနှုတ်ကယ်တင်ခြင်းခံရသော သူတို့က အသေသတ်ခြင်း ခံခဲ့ပြီး သော
သိုးသူငယ်တော်သည် တန်ခိုး၊ စည်းစိမ်၊ ပညာ၊ အစွမ်းသတ္တိ၊ ဂုဏ်အသရေ၊ဘုန်းအာနုဘော် နှင့် ကောင်းချီးမင်္ဂလာကို
ခံထိုက်သောသူဖြစ်၏ဟု အထက်ကောင်းကင်ဘုံတွင် တေးဖွဲ့သီဆို ကျူးရင့် ကြရလိမ့်မည် (ဗျာ ၅း၉-၁၂)။

No comments: